Auto-ilara oso luzeak irteera operazioan
Aste Santuko irteera operazioko lehen orduetan auto-ilarak hasi dira. Larrienak, A-8 autobidean, Kantabriarako bidean izan dira, eta ez dira konpondu 22:30 aldera arte. Biriatu (Lapurdi) parean ere oso luzeak izan dira auto-ilarak, 8 kilometrorainokoak, baina iluntzearekin batera bere onera itzuli da zirkulazioa.
Ertzaintzak jakinarazi duenaren arabera, ohiko "puntu beltz" batean, A-1 errepidean, Armiñonen (Araba), 4 kilometroko auto-ilarak sortu dira, baina 17:30erako zirkulazioa arina zen.
A-8 autobidean, Kantabriarako noranzkoan, 15:25ean hasi dira auto-ilarak sortzen, Arena hondartzaren parean hiru autok talka egin ondoren.
Behin istripua konponduta, auto-ilarak ez dira desegin, Kantabriarako noranzkoan auto ugari irten direlako. Ilarak 10 kilometrotik gorakoak izan dira arratsalde ia osoan.
Zirkulazioaren inguruko informazioa eta aholkuak
Errepidera atera aurretik, 011 telefono zenbakira deitzea aholkatu dute Trafikoa Kudeatzeko Zentrotik, zirkulazioaren egoera ezagutzeko. Erakunde horrek Twitterren eta bere webgunean ere emango du unean uneko informazioa.
Bestalde, EiTBk informazioa emango du eitb.eus-eko zirkulazioaren inguruko webgune berezian eta Radio Euskadiko ordu erdiro eskaintzen dituen albistegietan.
Beste gomendio batzuk: egiaztatu ibilgailuaren egoera, eta ez kontsumitu alkoholdun edaririk ezta koipedun elikagairik. Eta, inportanteena agian, lasai hartu.
n, lasai hartu.Zure interesekoa izan daiteke
La Calzadako bizilagunek bitartekaritza eskatu dute, euren etxebizitzen jabe den funtsaren "abusuzko prezioen" aurrean
Sei urteko kartzela-zigorra ezarri diote gizon bati bikotekidea bortxatzeagatik eta etengabe tratu txarrak emateagatik, Nafarroan
Indarkeria matxistaren biktimei arreta integrala emateko akordioak 25 urte bete ditu
Urdako tren istripuaren biktimen aldeko hileta elizkizuna azaroaren 12an egingo dute Toledoko katedralean
Orioko Udalak Jaurlaritzari galdegin dio konpon dezala berehala duela 40 egun su hartu zuen ontziak eragindako egoera
Anderren heriotzan inplikatutako agenteei espedientea egitea baztertu duen alkatetzaren dekretua errekurritu egin dute
Horrela eragingo die trafikoari eta oinezkoei Reala-Olympique Lyon partidagatik ezarritako segurtasun dispositiboak
EITB Maratoiaren bideoklipa: "Elektrizitatea"
Duela 31.500 urteko haitzuloetako lehoi baten hezurdura osoa aurkitu dute Mendaron
