Tuteran mutil bat hil zuen gidariak positibo eman du droga proban
Igande honetan, Tuterako Aingeruaren Jaitsieraren ondoren, autoarekin hiru lagun harrapatu dituen gizonak positibo eman du droga proban eta kokaina kontsumitu zuela baiezatu dute, Foruzaingoak jakinarazi duenez.
Gidariak Guardia Zibilaren esku utzi du bere burua, harrapaketa egin eta lau ordura, Nafarroako Gobernuak ohar batean jakinarazi duenez. Zaragozako 20 urteko gizonezko bat hil da ezbeharrean, eta 20 eta 21 urteko Tuterako bi emakume larri zauritu dira. Goizaldean egin dizkiote droga eta alhokol probak, eta kokaina kontsumitu duela baieztatu dute.
Foruzaingoak bihar jarriko du epailearen esku, honako delitu hauek leporatuta: zuhurtziagabekeriaz egindako hilketa, zuhurtziagabekeriaz lesioak eragitea eta zaurituak ez sorostea.
Bien bitartean, Tuterako Udalak dolu eguna ezarri du herrian astelehen honetarako.
Harrapaketa 20:05 aldera jazo da Norien bidean —Tuterako erdigunetik bi kilometro ingurura—. Jendetza bildu ohi da eremu horretan, herri bazkariak egiten baitira Aingeruaren Jaitsiera dela eta. Harrapaketa egin eta ihes egin du gidariak.
Lekukoek esandakoaren arabera, kolore iluneko auto batek sei gaztek —bost neska eta mutil bat— osatutako talde baten kontra egin du abiadura handian. Nola edo hala, bide bazterrera egin dute gazteek, batzuek ezkerretara eta besteek eskumara jota. Hain justu, alde horretara egin duten hiru pertsonak bete-betean harrapatu ditu autoak. C.P.R, 20 urteko Zaragozako bizilaguna, bertan hil da.
Horrez gain, Tuterako 20 eta 21 urteko bi emakume —horietako bat hildako mutilaren bikotekidea ei da— larri zauritu dira, eta Reina Sofia ospitalera eraman behar dituzte.
Foruzaingoak ikerketa abiatu du gertatutakoa argitzeko.
Dolu eguna Tuteran
Harrapaketaren berri eta gutxira, agiria kaleratu du Tuterako Udalak. Idatzian, gertatutakoagatik "samina" agertu du eta astelehenerako dolu eguna ezarri. Nafarroako Gobernuak bat egin du oharrarekin.
Hildako gaztearen gertukoei, lagunei eta senitartekoei doluminak eman dizkie Udalak, eta zauritutakoei "bere gertutasun, babes eta maitasuna" helarazi die. Halaber, hiru pertsonak harrapatu dituen gizonaren "jarrera higuingarria" salatu du Udalak, ihes egin baitu.
Hori horrela, apirilaren 17a dolu eguna izendatu du udalbatzak, eta horren seinale "Udaletxeko banderan haga erdian izango dira".
>
Zure interesekoa izan daiteke
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.