Lezoko arrantzale batek harrapatu du sasoiko lehen izokina Bidasoan
Ignacio Zalakain Lezoko (Gipuzkoa) arrantzaleak harrapatu du sasoiko lehen izokina Bidasoa ibaian. 2017ko kanpaina ofizialki hasi (7:00etan) eta hamabi minutu igaro ostean arrantzatu du lehendabiziko alea.
Nafarroako Gobernuak ohar baten bidez jakitera eman duenez, Endarlatsa parean harrapatu dute, eta 4.700 gramoko pisua dauka 800 milimetro luze da. Basatia da, ez dago markatuta eta ez dator birpopulatze batetik.
Berako Ehiza eta Arrantza Elkarteak, Lorentxo Jaurena bere presidentearen eskutik, lehendabiziko alea harrapatzeagatik oparitzen duen garaikurra eman dio.
Lezoko arrantzalea duela bost urtetik hurbiltzen da Bidasoan izokinak arrantzatzeko sasoia irekitzen den lehen egunera, eta 2013an lehendabiziko alea harrapatzeko zorian egon zen.
Donostiako Rekondo jatetxeak erosi du aurtengo lehen alea, 1.800 erosi ostean. Lehendabiziko horixe da salerosi daitekeen bakarra.
Bidasoa ibaian aurten arrantzatutako lehendabiziko izokina. Argazkia: Nafarroako Gobernua
Aurtengo kanpainari begira indarrean dagoen araudiaren arabera, guztira 78 ale besterik ezin izango dira harrapatu uztailaren 31ra bitartean. Hortaz, baimendutako kopurura aurretik iritsiz gero, kanpaina bukatutzat joko da.
Egun horretara iritsi bitartean, arrantzale bakoitzak gehienez hiru ale harrapatu ahalko ditu egun bakoitzean.
Zure interesekoa izan daiteke
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.
Global Sumud Euskal Herria: "Tirokatu gaituzte eta bueltatzeko agindu digute, baina aurrera jarraitzea erabaki dugu"
Israelgo soldaduak ontzira igo eta miaketa sakon bat egin dute Global Sumud Euskal Herriako aktibista batek zehaztu duenez. Soldaduen jarrera kritikatu dute eta gure artean Israelek dituen "konplizeak" ere aipatu dituzte.
Osakidetzak ebakuntza itunpeko zentroetan egiteko aukera eskainiko die 6 hilabete baino gehiago zain egondako 1.800 pazienteri
Alberto Martinezen hitzetan, Espainiako Osasun Ministerioa "Estatutu Markoa berritzeko moduan ez badago", Euskadi prest dago transferentziari ekiteko.
B1 maila lau urtean eta 120 euroren truke lortzeko Euskara Bonua aurkeztu du Eusko Jaurlaritzak
Ibone Bengoetxea lehendakariordeak laburbildu duenez, doakotasun politika horren jauzia "hirukoitza" da; izan ere, "burokrazia murrizten du" izapide bakar batera; ikaskuntzaren kostu osoa "nabarmen murrizten du", "% 95eraino"; eta, azkenik, "lau urteko aukera" edukitzea "pizgarria" da, ikasleek B1 maila lortu arte jarrai dezaten.