Ertzaintzak zorroztu egingo du segurtasuna Guns N' Rosesen kontzertuan
Guns N' Roses rock talde estatubatuar entzutetsua "Not in this lifetime..." mundu osoko bira egiten ari da, hogei urte eta gero Axl Rose eta Slash berriro elkartu direla ospatzeko, eta Bilbok bira horretako geldialdietako bat hartuko du datorren asteartean, maiatzaren 30ean. Hitzordua San Mames futbol-zelai berrian izango da, 21:30etik aurrera.
Athletic Cluben estadio berriak hartuko duen mota horretako lehendabiziko kontzertua izango da, eta jendetza biltzen duen arrisku handiko beste hainbat ekitalditan gertatzen den legez, segurtasun neurri zorrotzak egongo dira; are gehiago, Manchesterren, astelehenean, jazotako atentatua izan eta gero, Ariana Grandek emandako kontzertuaren amaieran.
Beltran de Heredia: Ez dago mehatxu zehatzik"
Horrela, Estefania Beltran de Heredia Segurtasun sailburuak ostegun honetan adierazi duenez, Ertzaintzak "areagotu" egingo ditu segurtasun neurriak, nahiz eta ez dagoen Euskadin atentaturik izateko "mehatxu konkreturik", ezta "beharrezkoak ez diren alarmarik elikatzeko" ere.
Sailburuak azaldu duenaren arabera, egungo testuinguruan "alerta guztiei eutsi behar zaie", eta dagozkion segurtasun neurriak "hartu" jende ugari biltzen den lekuetan eta ekitaldietan, kasu honetan gertatzen den moduan.
Segurtasun neurriak
Ertzaintzak 300 agente inguru erabiliko ditu estadio kanpoko segurtasuna bermatze aldera. Antolatzaileek, berriz, segurtasun pribatua kontratatu dute, kontzertura bertaratzen diren zale guztien sarbidea kontrolatzeko, eta zelai barruan guztia normaltasunez joan dadin.
Aldi berean, Guns N' Roses taldeak ere bere segurtasun taldea dauka, eta musikariengana inor gerturatzea ekidingo dute.
Bestalde, denbora nahikoarekin bertaratzeko aholkua eman diete antolatzaileek ikusleei, estadio barrura sartzeko neurriak zorrotzak izango baitira. Poltsa guztiak miatuko dituzte, eta ezin izango da motxilarik sartu barrura.
Horrez gain, sarreretan erosleen izena agertzen denez, antolatzaileek NAN agiria erakustea eska diezaiekete musikazaleei. Gainera, sarrera bakoitzean dagoen barra-kodeak PDA bidez irakurriko dira, eta ez San Mamesera sartzeko erabili ohi diren tornuen bidez, eta horrek moteldu egin dezake jendea zelaira sartzeko prozesua.
Azkenik, beste arretaguneetako bat garraio publikoen geltokietan egongo da. Garellanoko behin-behineko autobus geltokia, zein tren geltokiak eta aireportua jendea pilatuko diren guneak izango dira, kontzertuko ikusle ugari (% 20 eta % 30 artean, antolatzaileen esanetan) kanpotik etorriko baitira. Bere aldetik, Metro Bilbaok jakinarazi du tren zerbitzu berezia eskainiko duela kontzertu ostean.
Zure interesekoa izan daiteke
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.
Heriotzen kopurua jaiotzena baino ia bi aldiz handiagoa da EAEn
Heriotzak 6.253 izan ziren urteko lehen hiruhilekoan, aurreko urtean baino % 0,8 gutxiago, eta jaiotakoak bainoa 3.008 gehiago.
Espainiako Abokatu Kristauen Fundazioak hiru urteko espetxe-zigorra eskatu du Bernedoko udalekuen auzian ikertutako 15 kiderentzat
Gasteizko Instrukzio Epaitegiak gaur hartuko die deklarazioa 15 ikertuei, eta testuinguru horretan egin du iragarpena herri-akusazio gisa ari den elkarteak. Bestalde, euskal udalekuetako kideek adierazi dute ez dutela prozesuaren berri emango, adingabeen eskubideak babesteko.
Lanbide Heziketak ia 8.000 plaza gehiagorekin ekin dio ikasturteari, bi gradu bikoitz berrirekin
Ia 75.000 plaza eskaini dira eta oraingoz 51.000 ikasle pasatxok eman dute izena (matrikulatzeko epea urriaren 16ra arte egongo da zabalik). Ikasturte hasierako ekitaldian lehendakariak azpimarratu duenez, egungo LHa "Txapeldunen Ligan" dago eta hezkuntza sistema hobetzeko "ardura partekatua, autokritika eta autoestima" eskatu ditu.