Zirkulazioa udan: Noiz eta non saihestu behar dut autoa hartzea?
Uda honetan 1,7 milioi autok baino gehiagok zeharkatuko dituzte Euskal Autonomia Erkidegoko errepideak. Gainera, horietako auto gehienen joan-etorria egun gutxi batzuetan pilatu daiteke. Horrenbestez, autoan behar baino denbora gehiago igaro nahi ez baduzu edo amaierarik ez duten auto-ilara luzeetan geldituta egon nahi ez baduzu, ondorengo egun eta toki hauetan autoa ahalik eta gutxien hartzea da aholkurik onena:
Zirkulazio-intentsitate handieneko egunak:
- Uztailak 28 (ostirala)
- Uztailak 29 (larunbata)
- Uztailak 31 (astelehena. Jaieguna Bizkaian eta Gipuzkoan)
- Abuztuak 4 (ostirala)
- Abuztuak 5 (larunbata)
- Abuztuak 15 (zubia)
(Abuztuko azken bi asteburuetan zirkulazio-intentsitatea nabarmen murriztea aurreikusten da)
Puntu “beltzak”:
Araba
- AP-1erako sarbidea A-1 autobidetik (Armiñon)
- Gasteizko sarrera eta irteera
Bizkaia
- A-8 autobidea, Kantabria norabidean
Gipuzkoa
- Biriatuko bidesaria, Iparralde noranzkoan
- Ap-1erako sarbidea AP-8 autobidetik (Maltzaga)
Non kontsultatu daiteke errepideen egoera
Eusko Jaurlaritzako Trafiko Zuzendaritzak 011 telefonora deitzea aholkatzen du informazioa eskatzeko bidaiari ekin aurretik. Era berean, Trafikoko webgunean edo sare sozialetan errepideen egoera zein den kontsultatu daiteke.
Bestalde, EiTBk ere zirkulazioan suerta litezkeen arazoen berri emango dizu eitb.eus-ek duen trafikoari buruzko atal berezian, eta ordu erdiro Euskadi Irratiko buletinetan.
ko buletinetan.Zure interesekoa izan daiteke
Motor gidari bat hil da Lezon izandako trafiko istripu batean
Istripua GI-3440 errepidean gertatu da, Lezon, 18.00ak aldera.
La Oreja de Van Goghen abestiak ardatz, Donostia ezagutzeko tour turistiko bat sortu dute
Lander Agirreurreta donostiarrarekin batera, pop talde ezagunaren abestietan aipatzen diren txokoak bisitatu ditugu.
Txosnetako kontzertuak bertan behera hiru egunetan: abuztuaren 5ean Gasteizen, 14an Donostian eta 26an Bilbon
Kontzertuak bertan behera geratu dira ikuskizunetako langileek deitutako grebaren ondorioz.
Goizeko auto-ilaren ondoren, normaltasuna berreskuratu du zirkulazioak AP-8an eta A-1ean
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.
Gizon bat atxilotu dute Gasteizen, gazte bati lapurreta egiten eta hiltzen saiatzea egotzita
Atxilotua, 27 urtekoa, 21 urteko mutil baten furgonetan lapurreta egiten saiatu da lagun batekin, eta biktimak aurre egin die.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.
Hendaia eta Bordele arteko tren lotura larunbatean berrezarriko dute
Larunbatetik aurrera, abiadura handiko trenen erdiak ibiliko dira; igandetik aurrera, berriz, zerbitzuak erabateko normaltasuna berreskuratuko du.