Villabonak Caceresen izandako hilketa matxista salatu du
Dozenaka lagunek parte hartu dute ostiral honetako arratsaldean Villabonan (Gipuzkoa) egindako elkarretaratzean; protestaren xedea izan da Maria Sofia Tatoren hilketa matxista salatzea. Emakume hori senarrak hil du, ustez, eta Villabonan jaioa zen.
Indarkeria matxistaren biktima berri honen familia eta lagunen aldeko elkarretaratze isila 19:00etan hasi da, eta herriko Udalak zuen deitua. 'Emakumeen aurkako indarkeriarik ez' lemapean egin dute, Udaletxearen aurrean.
Besteak beste, ondorengo hauek hartu dute parte protestan: Maite Izagirre Amasa-Villabonako alkateak, Izaskun landaida Emakundeko zuzendariak, Imanol Lasa Gipuzkoako Foru Aldundiaren bozeramaileak, eta Miren Elgarresta gizon eta emakumeen arteko berdintasunerako organoaren presidentea.
Aurretik, mugimendu feministak deitutako manifestazio batek herriko erdigunea zeharkatu du, eraso matxisten aurka.
Villabonako Udalak bi dolu-egun dekretatu ditu; biktima herri horretan jaio zen, eta egun Caceresen bizi zen.
'Arazo estrukturala da, desberdintasunaren adierazpenik basatiena'
Elkarretaratzea hasi aurretik komunikabideei egindako adierazpenetan, Landaidak esan du emakumeen aurkako indarkeria ‘arazo estrukturala’ dela, 'dimentsio anitzekoa'; haren esanetan, 'desberdintasunaren adierazpenik basatiena da'.
Gainera, galdegin du 'gizartean dauden persona guztien inplikazioa', eraso matxistekin emaitzeko; Emakundek, esan duenez, lanean jarraituko du, lortu arte.
Zure interesekoa izan daiteke
Metro koadroko 15 litro ur bota ditu ordubetean Gipuzkoan
Urola Erdian eta Urola Kostan bizi izan dira kazkabar eta zaparrada gogorrenak. Abisu horia aktibo izan da 22:00ak arte. Astelehena ere egun eguzkitsua eta beroa izango da eta arratsaldetik aurrera ekaitzak izan daitezke berriz ere.
'Bali' baleak jendetza erakarri du beste behin Bilboko kaleetan
‘Bali’ baleak eta haren itsas animalien segizioak beste urte batez ere jendetza erakarri dute Bilboko Kale Nagusiko desfile jendetsu eta tradizionalean. Ekitaldia Aste Nagusiko hitzordu jendetsuenetako bat bihurtu da dagoeneko, eta aurten Txinako Urte Berriari egindako keinuak ere izan ditu
“Hau ez da kultura, hau tortura da” lelopean, protesta egin dute zezenketen aurkakoek Bilbon
“Hau ez da kultura, hau tortura da” lemapean, zezenen aurkako plataformak dozenaka lagun bildu ditu arratsaldean, Bilboko Zezen plazaren aurrean. Aste Nagusiaren barruan zezen korridak egiten dira eta horiekin amaitzea eskatzen dute. Egunero bilduko dira zezen plaza itxi dezaten eskatzeko.
Bi gazte oso larri erreskatatu dituzte La Morea urtegian
Bainulariek atera dute uretatik 20 urteko gizona, eta suhiltzaileek, berriz, 25 urteko emakumea. Bihotz-biriketako bizkortzeko maniobrak egin dizkiete, eta anbulantzia medikalizatuan eraman dituzte Nafarroako Unibertsitate Ospitalera.
Zaparrada trumoitsuek eta kazkabarrak ezustean harrapatu ditu herritarrak Azpeitian, Zarautzen eta Zumaian
Bero izan da goizean goizetik, bero-hodeiak garatu dira Gipuzkoako hainbat tokitan, eta ekaitzak gogor du Urola Kostan arratsalde erdian. Ondoren, ekaitzak Bizkaiko kostalderako bidea hartu du. Zarauzko pilotalekuko sabaia kaltetu du txingorrak eta partida eten behar izan dute.
TicketBAI sistema txosnetan: aurtengo berritasuna, konpartsen kritiken artean
Kontsumizio bakoitzeko tiketa sortu behar dute, gero Ogasunera helarazi behar duten aitorpenarekin alderatu eta kontrol zehatzago bat egin ahal izateko. Konpartsek salatu dutenez, txosnak jarduera ekonomiko profesionala duten enpresen zakuan sartu nahi dituzte.
Milaka pertsonak erantzukizun politikoak eta suteak prebenitzeko baliabide gehiago eskatu dituzte Jakan
Pirinio Duina Mendiaren Duintasunaren aldeko Mugimenduak deitutako manifestazioan, besteak beste, Peñas de Riglos, Cinco Villas eta Leciñenako suteetan aritu diren suhiltzaileak bildu dira.
Bilbon adin guztietarako jarduerak izan dira Aste Nagusiko lehen orduetan
Bizkaiko hiriburuak Aste Nagusiari ekin dio, eta lehen orduetatik jai-giroa da nagusi bertan. Txikienetatik hasi eta helduenetaraino, denek dute zer egin eta zerekin gozatu.
Bederatzi atxilotu Aste Nagusiko lehen egunean, bi ukituengatik eta beste bat genero-indarkeriagatik
Jai-eremuan (Areatza inguruan eta Euskotreneko geltokian) zein handik kanpo izan dira abusuak.
Tomas Soraluze 'Epelde' trikitilari azkoitiarra hil da 81 urte zituela
'Epelde eta Larrañaga' bikoteko kide izateagatik ezaguna, elkarrekin hiru disko grabatu eta Kupela abesti ezaguna sortu zuten.