Bi pertsona hil dira Irunen, auto-istripuan
Bi pertsona hil dira, bart, Irunen, auto-istripuan. Frantziako matrikula zuen auto baten eta fruta zeraman kamioi baten arteko istripua izan da, baina, oraindik, ez da argitu nola gertatu den. 26 eta 29 urteko gi gazte dira hildakoak, eta Frantziako herritartasuna zuten.
Eusko Jaurlaritzako Segurtasun sailak jakitera eman duenez, autoan zihoazen bi pertsona dira hildakoak. Antza, ibilgailuaren barruan harrapatuta geratu dira, eta suhiltzaileen laguntzarekin atera dituzte gorpuak.
Hiru lagun zauritu dira, gainera; horietako bat autoan zihoan hirugarren bidaiaria da, eta beste biak, aldiz, kamioian zeudenak (gidaria eta haren ondoan zegoena). Haiek ere behar izan dute suhiltzaileen laguntza ibilgailutik irteteko. Hiru zaurituak Donostia Ospitalean daude.
N-121-A errepidean izan da ezbeharra, 73 kilometroaren parean, goizaldeko 04:15 inguruan. Ondorioz, errei bat Irungo noranzkoan itxi egin dute; Nafarrorako noranzkoan, errepide zaharretik ari dira igarobidea ematen (GI-3455etik), eta hala jarraituko dute egun osoan. Oraingoz, 11:00ak aldera, ez da auto-ilara nabarmenik izan.
Ertzaintzak ikerketa abiatu du, istripua nola gertatu den argitzeko.
Bi zauritu, bat larri, Galdakaon, beste istripu batean
Igande honetako goizean (azaroaren 12an), gainera, beste istripu bat ere izan da, A-8an, Galdakao parean (Bizkaia), Txorierrirako irteeran. Bi lagun zauritu dira, eta bat larri dago; auto batean zihoazen, eta, ikertzen ari dira zergatik, auto hori errepidetik irten da eta erdibitzailearen aurka jo du, eitb.eus-ek jakin ahal izan duenez.
Ibilgailua gurutzatuta geratu da errepidean, eta igandeko 11:00etan auto-ilarak daude bertan, ondorioz.
Zure interesekoa izan daiteke
Sei kilometrorainoko auto-ilarak N-1 errepidean, Villabona parean bi kamioik izandako istripuaren ondorioz
Eusko Jaurlaritzako Segurtasun Sailak jakinarazi duenez, istripua Gasteizerako noranzkoan gertatu da. Errei bat itxita dago, eta auto-ilarak A-15 autobidean ere ari dira arazoak sortzen.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.
Hantabirusa duten hiru bidaiari ebakuatu dituztela eta Herbehereetara bidean direla baieztatu du MOEk
Ontziko medikua ez dute azkenean Kanarietara eramango, bere osasunak hobera egin baitu. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du".
Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia Kanarietan amarratzeko hartutako erabakia, eta eskatu du kasuaren osasun-kudeaketako protokolo-aldaketari buruz azalpenak eman ditzala berehala.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.
Gutxienez 21 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Bi ibilgailuk istripua izan dute Erandion, eta auto-ilarak daude BI-30 errepidean, Txorierriko igarobidean,
Ezbeharra 12. kilometroaren parean gertatu da, eta zirkulazioa murriztu behar izan dute Galdakaorako noranzkoan.