Auzitegi Nazionalak espetxera bidali du Ignacio Ellacuriaren ustezko hiltzailea
Manuel Garcia Castellon Auzitegi Nazionaleko epaileak Inocente Montano El Salvadorko koronel eta Defentsa ministroorde ohia behin-behinean espetxera bidali du, El Salvadorko Gerra Zibilean (1980-1992) Ignacio Ellacuria jesuita portugaletetarraren eta beste zazpi pertsonaren hilketarekin zerikusia duelakoan.
6. Instrukzio Epaitegiko epaileak Inocente Montano espetxeratzeko erabakia hartu du AEBko Gobernuak El Salvadorko koronel eta Defentsa ministroorde ohia Espainiaratu ostean. Inocente Montanok, 74 urte, gaur goizean deklaratu behar zuen Auzitegi Nazionalean, baina haren defentsak atzerapena eskatu du kasua hobeto aztertu ahal izateko. Azkenean, astelehenean 11:30etik aurrera igaroko da epailearen aurretik.
Bien bitartean ospitale batera eramateko eskatu du Inocente Montanoren defentsak, bere osasun egoera eta adina aintzat hartuta. Hala ere, Fiskaltzak eta herri akusazioak behin-behinean kartzelan sartzea eskatu dute.
Aldeen jarrerak aztertuta, Garcia Castellon epaileak Inocente Montano behin-behinean kartzelara bidali du, ihes egiteko arriskua dagoela argudiatuta. Espainiak bost hilketa eta gizateriaren aurkako krimena leporatzen dizkio El Salvadorko koronel ohiari.
1989ko azaroaren 16an El Salvadorko jesuiten unibertsitatean izandako sarraskia agintzea leporatu diote Montanori. El Salvadorko Armadak Ellacuria Erdialdeko Amerikako Unibertsitatearen (UCA) errektore eta Liberazioaren Teologiaren sortzailea hil zuen, beste zazpi pertsonarekin batera.
Zure interesekoa izan daiteke
Haizeak eta bertara iristeko zailak diren guneetako fokuek zaildu egin dituzte Ezkabarteko baso-sutea itzaltzeko lanak
Ezkabarteko suteagatik hustutako Usi, Anotz eta Nabatz herrietako bizilagunak etxera itzuli dira. 112-SOS Nafarroak herritarrei eskatu die ez daitezela gerturatu suhiltzaileak eta langileak dabiltzan tokietara, horien lanak ez oztopatzeko.
Nola ospatuko da LGTBIQ+ Harrotasunaren Eguna Euskal Herrian?
Ekainaren 28an, Harrotasunaren Nazioarteko Egunean, Euskadiko eta Nafarroako hiriburuetan hainbat jarduera egingo dira larunbat eta igande honetan, LGTBIQ+ kolektiboaren eskubideak aldarrikatzeko.
Nafarroako Gobernuak nekazaritza lanak mugatu ditu lehorreko lurretan gaurtik, sute arriskuagatik
Maria Chivite Nafarroako Gobernuko presidenteak azaldu duenez, nekazaritza eta basogintza lanak 06:00etatik 11:00etara baino ezingo dira egin.
Oinezko batzuei eraso egin ostean Santurtziko Udaltzaingoak zauritu zuen gizon bat hil da
Astelehenean eraman zuten ospitalera, Udaltzaingoak indarrez menderatu eta gero, hainbat pertsonari eta bertara joan ziren agenteei eraso egin ondoren. Bi egun geroago hil da, ospitalean.
Gaur hasiko da udako trafikoko operazio berezia, eta kanpoko 2,27 milioi ibilgailuk EAE zeharkatzea espero dute
Uda honetan, nazioarteko eta barruko joan-etorriak areagotzea aurreikusten da, eta, hori dela eta, Eusko Jaurlaritzak neurri bereziak hartuko ditu, trafikoa hobeto kudeatu eta udako gorabeherak murrizteko.
Auto-ilara luzeak BI-10 errepidean Bilbon, Kantabriarako noranzkoan, istripu baten ondorioz
BI-10 errepideko zirkulazioan eragina izan du istripuak, eta arazo handiak daude Kantabriarako noranzkoan. Une batzuetan, 3 kilometrotik gorako auto-ilarak erregistratu dira Bilbo inguruan.
Emakumezko bidaiariak: "Ez dut bakarrik bidaiatzen, neure buruarekin baizik"
Zerk bultzatzen ditu emakumeak inor barik bidaiatzera? Zeintzuk herrialde dira egokienak? Segurtasun, ekonomia eta logistika gomendioak bildu ditugu, hiru euskal emakumezko bidaiariren laguntzarekin.
Albiste izango dira: Venezuelako lurrikaren biharamuna, baso-sutea Ezkabarten eta irteera operazioa hasiko da
Gaurkoan Orain-en albiste izango direnen laburpena, bi hitzetan.
Honela geratu da La Guaira, 7,2 eta 7,5 graduko lurrikaren ostean
Tragediaren isla dira eroritako eraikinak, kalteak jasan dituzten azpiegiturak eta milaka biktima. Larrialdi-taldeek eremu kaltetuenetan lanean jarraitzen dute, kalteak neurtzen eta biktimak erreskatatzen.
Euskal Udalekuak elkarteak bere proiektua mehatxatzen duten erabaki politikoak salatu ditu, eta ekitaldi handi bat deitu du abuztuaren 29rako, Bernedon
Proiektuaren jarraipena arriskuan jartzen duten erabaki politikoak salatu dituzte. Egoera horren aurrean, euren ekimena defendatzeko eskura dituzten "baliabide guztiak" erabiliko dituztela adierazi dute, eta ekitaldi handi bat deitu dute abuztuaren 29rako Arabako udalerrian. Aldi berean, haur eta gazteei zuzendutako udako kanpaina berri bat prestatzen jarraitzen dute.