Euskal kostaldea alerta laranjan, olatu handiengatik
Eusko Jaurlaritzako Segurtasun Sailak alerta laranja aktibatu du euskal kostaldean olatu handiengatik, asteazken arratsaldeko 16:00etatik 20:00etara eta ostegun goizeko 04:00etatik 08:00etara, asteazkeneko bigarren itsasgorarekin eta osteguneko lehenengokoarekin bat etorriz.
Euskalmet meteorologiaren euskal agentziaren aurreikuspenaren arabera, asteazken arratsalde-gauean 4-5 metroko olatuak izan daitezke euskal kostaldean.
Era berean, ostegun goizaldean 5 metro inguruko olatuak espero dira. Egoera ostiralean eta asteburuan zehar ere errepika daiteke.
Marea biziak
Gainera, egunotan marea biziak espero dira, eta egoera horri olatuaren altuera gehitzen bazaio, itsasoak bere ohiko maila gaindituko du. Horrela, alerta laranja asteazkeneko bigarren itsasgoran (17:40) eta osteguneko lehenengoan (05:59) aktibatuko da.
Euskalmeten iragarpenaren arabera, itsasoan egoera igandean hasiko da egonkortzen.
Donostiak eta Getxok itsas pasealekuak itxi dituzte
Gauzak horrela, ibilgailuak ezin izango dira egun osoan Donostiako Pasealeku Berrian sartu, Udalak erabaki duenez. Arratsaldean hiriko itsas pasealeku guztietan sartzeko debekua izango dute oinezkoek, olatu handiak espero baitira.
Udalak agiri batean jakitera eman duenez, Pasealeku Berria ibilgailuentzako itxita egongo da egun osoan, eta oinezkoak ezin izango dira sartu 15:00etatik aurrera, ezta Haizearen Orrazian eta Leizaola Pasealekuan ere.
Era berean, Getxoko (Bizkaia) Udalak Ereagako hondartzatik Portu Zaharrera doan pasealekua itxi du arratsaldean.
Zure interesekoa izan daiteke
Maider Etxebarriak hiriko proiektuen balantzea egin du, Andra Mari Zuriaren jaien atarian
"Urte emankorra izan da hiriarentzat", adierazi du Maider Etxebarria Gasteizko alkateak. Hurrengo erronka Andra Mari Zuriaren jaiak dira. 400 ekitaldi baino gehiago daude programatuta datozen egunetarako.
Jaurlaritzak "erantzukizun argiak" dituen "egiturazko migrazio plana" eskatu die Espainiari eta Europari
Melgosa sailburuaren hitzetan, Ceutan gertatutakoa "oso larria da" eta Eusko Jaurlaritza aspalditik ohartarazten ari den zerbait berresten du: "migrazioak aspaldi utzi zion egoera koiuntural bat izateari".
Ceutara heldutako ehunka migratzaile hondartzan daude, gero eta egoera prekarioagoan
Poliziak Trampolin hondartza inguratu du, migratzaileak hirira irten ez daitezen. Elikagai falta, ur-eskasia eta bildutako pertsonen arteko tentsioa handituz doaz egunetik egunera eta migratzaileen egoera gero eta gogorragoa da, batez ere beren etorkizunari buruzko ziurgabetasuna dela eta.
Gizon bat atxilotu dute Donostian emakume bati sexu-erasoa egitea leporatuta
Erasoa larunbat goizaldean egin zuen, Amarako etxebizitza batean, eta atxiloketa goiz horretan egin zuen Ertzaintzak. Atxilotua epailearen esku dago jada.
Artxandako tuneletako Deustuko tartea bihar irekiko dute berriro
Bizkaiko Foru Aldundiak estaldura, drainatze-sistemak, ebakuazio-galeriak, argiztapena eta gorabeherak detektatzeko sistema automatikoak hobetu ditu. Udazkenean, Salbeko zatiaren txanda izango da.
Gizon bat atxilotu dute Angelun 10 urteko alabari sexu-abusua egitea leporatuta
Erasoak ikasturte barruko oporretan jazo dira, neskatoa aitaren etxean zegoen bitartean. Epailearen aginduz, gizona espetxeratu egin dute, behin-behinean.
Zisterna-kamioiak ura Karrantzara eramaten hasi dira, hornidura bermatzeko
Astelehenetik ostiralera, egunero, 250 metro kubiko eramango ditu foru erakundeak Enkarterriko udalerriko hornidura bermatzen laguntzeko.
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.
betiONek bere zerbitzua zabalduko du nahi ez den bakardadea detektatzeko eta 1.500 zaintzaileri laguntzeko
Telelaguntza-zerbitzu publikoak bakardade-arriskuan dauden erabiltzaileentzako plan pertsonalizatuak gehituko ditu, eta adineko edo mendeko senitartekoak etxean zaintzen dituztenentzako laguntza zabalduko du. Hortaz, uztailean iragarritako telelaguntza prediktibo eta aurreratuaren hedapena osatu egingo da.