EAEko errepide sare nagusia, zabalik
EAEko errepide sare nagusi osoa zabalik dago igande honetan, urtarrilak 7. Elurrak, baina, arazo larriak eragin ditu gau osoan zehar Gipuzkoan, A-15 errepidean eta N-1 errepidean, Etzegaraten. Errepide sare nagusiko mendate honetan dozenaka lagun harrapatuta geratu dira eta ibilgailu barruan edo Altsasun igaro behar izan dute gaua. Hain zuzen ere 600 bat pertsonak igaro dute gaua Altsasuko kiroldegi, aterpetxe eta frontoian.
(Irudia: EiTB)
Gipuzkoako Foru Aldundiak elurra kentzeko 12 kamioi igorri ditu Etzegaratera eta DYA ere lanean aritu da gau osoan zehar, bidaiariei laguntza eskaintzeko. Bederatzi ibilgailu igorri eta karpa bat ere ezarri du bertan, bertan harrapatuta zeudenei ogitartekoak eta edari beroak eskaintzeko.
Gipuzkoako Aldundiaren iritzian, ustekabean elur-iragarpenak okerrera egin du eta bi kamioiek izan zuten istripua. Horren ondorioz, milaka lagun harrapatuta geratu dira bart A-15ean eta N-1ean Etzegarateko mendatean.
Arazoak larunbat arratsalde-gau aldera
Larunbat honetan, elurra indartsu etorri da eta arazoak sortu ditu, bereziki Gipuzkoan. Gogotsu aritu da lurralde osoan tarteka, eta arazoak eragin ditu trafikoan arratsalde eta gauean zehar. Hala, 23:30ean itxita zeuden elurragatik Etzegarate, Arrate, Artikutza, Mandubia, Urraki eta Urto Gipuzkoan; Bernedo, Barrerilla, Herrera, Kanpazar eta Opakuako mendateak Araban, baita A-15erako sarbidea Andoainen ere.
Igande honetan, hobera
Gaur, ostera, egoerak nabarmen egin du hobera, eta jada zabalik da EAEko errepide sare nagusia. Etzegarate 08:00etan ireki dute eta bertatik katerik gabe ibili daiteke, arretaz. Gainera, orduek aurrera egin ahala, igo egingo da elur kota Gipuzkoan, baina jaitsi Bizkaian eta Araban, 300-500 metrora elurra egingo duelarik. Horrez gainera, azken egunotan elurragatik, euriagatik eta olatuengatik EAEn indarrean egon diren alerta laranja eta abisu horiak bertan behera utzi dituzte, igande honetan Segurtasun Sailak jakitera eman duenez.
A-15 autobidea, berriz, 07:30ean ireki dute eta Araban AP-68 errepidea zabalik geratu da 08:20ean. 09:00etarako Gipuzkoako eta Arabako bigarren mailako errepide sareko mendateak bakarrik zauden itxita. Hain zuzen ere, ordu horretan hamar ziren erabat itxitako mendateak eta beste hirutan beharrezkoak ziren kateak, Ertzaintzak jakitera eman duenez.
Hauxe da mendateen egoera:
Añarbeko urtegia eta Ullibarrikoa
Bestalde, Añarbeko urtegia husten izan dira azken orduetan. Ura Urumea ibaira isuri dute. Operazioa 21:00etan bukatu zuten atzo.
Husteari utzi ondoren, urtegia itxita mantenduko dute, ibaira "batere" urik isuri gabe, "nahitaezko emari ekologikoa" salbu.
Ullibarriko urtegia ere husten hasi dira larunbat honetan, euri kopurua gutxitzeko:
Zure interesekoa izan daiteke
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoko pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia, blusa eta nesken kalejira berriarekin, teknikarien grebak baldintzatuta
Goizean, blusen eta nesken kuadrillek lore eskaintza egin diote Andre Maria Zuriari eta haren aldeko aurreskua dantzatu dute, eta arratsaldean kalejira egin dute, ibilbide berria estreinatuta. Ikuskizunetako teknikarien grebak La pasión infinita lanaren funtzioa bertan behera uztera behartu du.