Pablo Ibar auziko epaiketa berriaren hasiera atzeratu dute
Pablo Ibar auziaren jarraipen konferentzia egin dute gaur goizean, Broward Countyko (Florida, AEB) Auzitegian, Pablo Ibar Heriotza-zigorraren Aurkako Elkarteak agiri batean jakitera eman duenez.
Konferentzian, “osasun arazo larriak tarteko” Alan Ross abokatuaren bajaren berri eman dio Ibarren defentsak epaileari. Epaimahaiaren aurrean hitza hartu eta paper garrantzitsua izan behar zuen Rossek epaiketan.
Kevin Kulik abokatuak Alan Ross ordezkatu du, baina “logikoki, denbora beharko du Ibar auzian trebatzeko eta defentsaren papera prestatzeko”.
Abuztua
Epaiketari heltzeko aurretiazko pausoen programa berri bat laga dio Ibarren defentsak magistratuari, epaiketa 2018ko abuztuan hasteko asmoarekin.
Hurrengo jarraipen konferentzia apirilaren 13an izango da. Litekeena da, orduan epaiketari hasiera emateko data berria zehaztea.
Abuztuan epaiketa hasteko behin betiko data izatea espero du Pablo Ibar Heriotza-zigorraren Aurkako Elkarteak. Elkarteak, Ibarrek eta haren abokatuek “azken 18 urteetan hainbeste” lan egin dutela goraipatu du Elkarteak.
Jarraipen konferentzia
AEBko zuzenbidean, jarraipen konferentzia bat (status conference) aldeen bilera bat da. Auziko epaileak deitzen du arau federalen babesean (Federal Rules of Procedure).
Epaiketaren antolaketa eta funtzionamendua eztabaidatzen dira bertan, froga berriak agertu ote diren, agiri berriak aurkeztu diren, aldeen arteko akordio batera heltzeko negoziazioak, epaiketaren antolaketa orokorra, iraupena…
Ameriketako Estatu Batuetako hainbat estatutan jarraipen konferentziak ateak itxita egiten dituzte epailearen bulegoan;
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.