Hezkuntza Fakultatea deitzen da orain Bilboko Irakasleen Unibertsitate Eskola
Hezkuntza Fakultatea deitzen da orain Bilboko Irakasleen Unibertsitate Eskola, Euskal Herriko Agintaritzaren Aldizkarian 2018ko otsailaren 5ean izen hori aldatzeko kaleratu duen aginduan irakur daitekeenez. Izen-aldaketan oinarritutako aldaketa da, horrela, “koherentzia handiagoa lortu nahi delako Boloniako prozesuarekin” eta “titulu-eskaintza indartu nahi delako, bai eta ikerketa-lana ere”, EHUk eman dituen azalpenen arabera.
Izen-aldaketa zentroak berak abiatu zuen. 2017ko abenduaren 14an hasi ziren tramiteak ofizialki, Euskal Herriko Unibertsitateko Gobernu Kontseiluak Bilboko Irakasleen Unibertsitate Eskolaren izena kendu eta haren ordez Bilboko Hezkuntza Fakultatea jartzea erabaki zuenean. 2017ko abenduaren 20an, EHUko Gizarte Kontseiluak aldeko irizpena eman zion erabakiari, eta proposamena Eusko Jaurlaritzako Hezkuntza Sailari bidaltzea erabaki zuen, aldaketa hori balora zezan. Hezkuntza sailburuak 2018ko urtarrilaren 24an hartu zuen proposamen horri buruzko erabakia, eta 2018ko otsailaren 5ean kaleratu dute Euskal Herriko Agintaritzaren Aldizkarian.
Bilboko Hezkuntza Fakultateko dekanoak azpimarratu egin ditu zentroak aurrera egiteko eman dituen pausoak: “Azken urteetan ibilbide luzea egin dugu zentroa berritzen, Graduak akreditatzen eta ikerketa bultzatzen”.
Halaber, horren arabera, Bizkaian hezkuntzan erreferente izaten jarraitu nahi dute, maila handiko heziketa eta ikerketa bultzatuz, kalitatezko profesionalak eskaintzeko.
Zure interesekoa izan daiteke
Leon XIV.a aita santua sexu-abusuen biktimekin bilduko da Espainian
Vatikanoak ez du topaketari buruzko xehetasun gehiagorik eman. Aita santuak Madril, Bartzelona, Kanaria Handia eta Tenerife bisitatuko ditu bihartik ekainaren 12ra bitartean.
10 urte geroago, sokamuturrak itzuliko dira Eibarko Untzaga plazara
40 bat elkartek atzerapausoa dela salatu dute, eta elkarretaratzea deitu dute ekainaren 16rako. Herritarren artean, aldeko eta kontrako iritziak daude.
Azken agurra eman diete Iruñean Elgoibarko istripuan hildako bost foruzainei
Maria Chivite presidentea buru, jende andana joan da Iruñeko katedralera, Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont agenteei azken agurra eman eta haien senideak babestera.
Xenpelar auzian Udalak izandako jokabidea berretsi du Errenteriako alkateak Fiskaltzaren aurrean
Aizpea Otaegik agerraldia egin du Adingabeen Fiskaltzaren aurrean, Xenpelar auziaren harira, eta Udalak balizko genero-indarkeria kasuen aurrean egindako kudeaketa babestu du. Azpimarratu duenez, beharrezkoa da lanean jarraitzea biktimak babestu eta antzeko egoerak saihesteko.
Konpondu dira A-8 autobideko zirkulazioa zaildu duten auto-ilarak
Arratsalde korapilatsua izan da A-8 autobidean, Kantabriarako noranzkoan, lau istripu gertatu baitira bideko hainbat puntutan. Trafikoa normaltasunera itzuli da arratsalde erdian, 18:20 aldera.
Errugabe jo ditu epaileak Zestoako gizon baten integritate moralaren kontrako delituengatik epaitutako seiak
Abenduan egin zen epaiketa. Gizonezko batek osotasun moralaren aurkako delitua leporatu zien bikotekide ohiari eta beste bost herritarri, eta espetxe zigorra eta isunak eskatu zituen. Akusatuetako lau neskaren lagunak dira, eta bostgarrena, egun Zestoako alkate den Mikel Arregi. Epaileak absolbitu egin ditu guztiak.
Bilbok minbiziaren aurkako bigarren martxa hartuko du ekainaren 14an
Antolatzaileek espero dute 2.500 pertsona baino gehiago batzea hitzordu solidario horretan. Bizi-ohitura osasungarriak sustatzea izango du helburu, eta minbiziaren prebentzioaren eta ikerketaren garrantziaz kontzientziatzea, bereziki gizonezkoak.
Konponduta daude Lasarte-Orian eta Abanton izandako trafiko eragozpenak
Ostiral goizeko lehen ordua konplikatua izan da euskal errepide sareko puntu askotan, istripuak izan baitira han eta hemen, baina egoera bere onera itzuli da jada denean.
Emakume bat atxilotu eta bi ikerketapean dituzte Gipuzkoan adinekoei bitxiak lapurtu eta 11.000 euro baino gehiagoren truke saltzeagatik
Atxilotutako emakumeak zaintzaile gisa egiten zuen lan adinekoen egoitzetan eta etxebizitzetan, eta bertan lapurtzen omen zituen bitxiak. Ertzaintzak pieza ugari berreskuratu ditu Azpeitian egindako miaketa batean.
Debekuaren aurrean, "haurrei udaldi polit eta lasai bat" eskaintzeko "lanean" ari dela esan du Euskal Udalekuak elkarteak
Elkarteak mezua bidali die udaldia Bernedoko udalekuetan igarotzeko eskaera egin duten 200 familiei, eta azaldu die "abokatuarekin lanean" ari direla haur eta familientzako "aukera eta alternatiba egokienak diseinatzeko". Arabako Foru Aldundiak debekua ezarri ostean Instagram sare sozialean elkarteak duen profilean mezua partekatu du, "triste eta kezkatuta" daudela esanez eta salatuz "legezko betekizun guztiak bete arren" ukatu diotela Dorrekoa elkarteari udalekuak antolatzeko aukera.