Milioi bat sinadura baino gehiago, epaileen inhabilitazioa eskatzeko
'La Manada'ko bost kideak epaitu dituzten Nafarroako Lurralde-auzitegiko magistratuen inhabilitazioa eskatzeko, milioi bat sinadura baino gehiago bildu dituzte dagoeneko. Sexu-erasoa baztertu, eta sexu-abusu zigorraren berri izan ondoren, kanpaina abian jarri zuten ostegunean.
23:48 arte 1.136.854 pertsonak kanpaina babestu dute kanpaina Change.org plataforman.
Bost akusatuek “indarkeria eta larderia” erabili ez zutela ebatzi du epaimahaiak. Bakoitzari bederatzi urteko espetxe-zigorra ezarri diete epaileek, 2016ko sanferminetan gazte bati sexu-abusuak egiteagatik.
Santiagoko (Galizia) Alba Mariñok bultzatu du kanpaina, eta hasiera batean 300.000 sinadura biltzeko asmoa zuen, plataforma digitaleko testuan berak azaldu zuenez.
Mariñoren ahotan, “indarkeria matxista arazo hain larria” duen herrialde batean, “sexu-erasoa izateko, bost gizonezkok babesgabe eta mozkor dagoen emakume gazte bati eraso egitearekin nahikoa ez dela uste duen epailerik ezin da egon”.
Bestalde, beste eskakizun batek 548.296 sinadura bildu ditu, “'Manada' gehiagorik ez. Prebenitzeko eskolak derrigorrezko bigarren hezkuntzan” lelopean. Hezkuntza Estatu Itunaren markoan, “emakumeen duintasunaren aurkako jokabideak saihesteko” sexu eduki berriak barneratzea eskatzen du ekimenak.
Era berean, sententziaren berri izan ondoren, 20 eskaera baino gehiago martxan jarri dituzte plataforman, gehienak Zigor Kodean sexu abusu eta erasoen inguruko aldaketak eskatzeko.
Albiste gehiago gizartea
Zarautzen egindako manifestazio batek herriaren turistifikazioa salatu du
"Turismoaren negozioari ez" lemapean, Zarautzen manifestazioa egin dute herriaren turistifikazioaren aurka, Urola Kostako Kontseilu Sozialistak eta Etxebizitza Sindikatuak antolatuta. Agerraldiak adin guztietako jendea bildu du herriko kaleetatik barrena. Bertan, hainbat izan dira salatutakoak; horien artean, etxe turistikoak % 181,8 hazi direla azken urteetan (horrek dakarren etxebizitzen prezioaren igoerarekin), espazio publikoaren erabilera pribatiboa eta udala egoeraren konplizea dela.
Emozioz eta tradizioz beteta abiatu da Jaialdi 2025
Hamarkada bat geroago, Boiseko euskal festa handia emozio, musika eta errotzearen bizileku bihurtu da berriro. Ozeanoak eta belaunaldiak gurutzatzen dituen identitatearen ospakizuna itzuli da.
Elko (Nevada), artzain euskaldunen topaleku: "Egun gazte euskaldunik ez dator, Euskadin hobeto bizi dira orain"
Egoera asko aldatu da, eta egun ez dira artzainik geratzen, eta urrezko meatzetatik bizi dira herritarrak. Dena dela, bere euskal nortasuna ez dute galdu, izan ere, AEBko udalerri horretako biztanleen % 4 euskal jatorrikoa da, Elkoko egungo sheriffa bezala.
Lan Onari saria Carmelo Urza Larrauri Filologia Hispanikoko doktoreari emanda itxi du Lehendakaritzak 2025eko Jaialdira egindako bisita
Esparru akademikoan egindako lanagatik eta kanpoan euskal kultura zabaltzen egindako ekarpenagatik saritu dute Renoko Unibertsitateko Filologia Hispanikoko doktorea. Oso gazte zela Estatu Batuetara bizitzera joan bazen ere, euskal sustraiei eusteagatik eta Euskadiren eta Estatu Batuen arteko harremanak estutzeko lan egiteagatik nabarmendu da beti.
Goiz korapilatsua euskal errepideetan larunbat honetan, eta auto-ilarak AP-8 eta AP-1 autobideetan
Europako iparraldetik hegoaldera errepidez egiten diren joan-etorrien bolumen handiak auto-ilarak sortu ditu euskal errepide sarean, abuztuko lehen asteburuko trafiko irteera operazioarekin batera.
Lau gizonek 18 urteko neska bat inguratu eta bortxatu dute Ferrolen
Gizon bat atxilotu dute jada. Erasoa Coruñako hiriaren Espainia plazako arkupe batzuetan gertatu zen. Gertakariak asteartetik asteazkenerako gauean jazo ziren, hiriaren erdialdean.
Bilbok hilerria modernizatu du errausketak eta maskotentzako zerbitzuak eskaintzeko
Araudi berria irailera arte egongo da ikusgai, eta heriotza perinatalari ematen zaion tratuari eta erlijio-aniztasunerako guneei buruzko hobekuntzak ere jasotzen ditu, besteak beste.
Adineko bost moja Urduñako komentutik ateratzea eragotzi dute, erlijiosoak Beloradotik bota ondoren
Adineko lekaimeen beharrengatik egokitutako garraio berezi bat prest zuten, baina ezin izan dute erabili, moja matxinoek uko egin baitiote giltzak emateari. Gainera, gaurko operazioa "bahiketatzat eta agintekeriatzat" jo dute moja horiek.
Gasteizko txosnak itzuli dira txandalariak omenduz, eta musikaz eta aldarrikapenez beteta
Txosnagunea Arabako Campusera itzuliko da kontzertuekin, herri-ekimenekin eta TicketBAIren ezarpenaren kontrako protestekin. Bien bitartean, Txosnetako txandalariak izan dira Txosnisariaren irabazleak.
50 boluntario inguruk Barrundian desagertutako 77 urteko emakumea bilatzeko lanekin bat egin dute
Senideek asteartean salatu zuten adineko emakumearen desagerpena. Emakumea Hermua auzoko bere etxebizitzatik atera zen, eta ez dute berriro ikusi.