Hollywooden ere gaitzetsi dute ‘La Manada’-ren epaia
‘La Manada’ taldearen epaia argitaratu ostean, hainbat aktorek erabaki judiziala gaitzetsi dute sare sozialetan, eta sumin hori Hollywoodera ere iritsi da. Haserrea adierazten azkena Jessica Chastain aktore eta produktorea izan da, Twitterren duen kontuan.“Ez da abusua, bortxaketa da”, azpimarratu du.
“Bost ezezagunek autora heltzen lagunduko ziotela esan zioten nerabe mozkor bati. Hori egin beharrean, beste leku batera eraman zuten, eta taldeka bortxatu zuten”, azaldu du. Eta geldirik egoteak eta begiak itxita edukitzeak ez duela onespena esan nahi gaineratu du.
Beste mezu batean, aktoreak gogorazi du espainiar legediak bereizi egiten dituela sexu abusua eta bortxaketa: “Lehenengoan ez da beharrezkoa indarkeriarik eta larderiarik egotea”. Ondoren, galdera bat egin du txioan: “Ez da mehatxurik egon? Bost ezezagunek emakume mozkor bat leku ezezagun batera eramatea oso beldurgarria da. Zenbat emakume hiltzen dituzte urtean?”.
Bestalde, Rose McGowan-ek, Harvey Weinsteinen abusuak salatu zituen aktoreetako batek, ere epaia kritikatu du bere sare sozialetan, eta protestei buruz BuzFeed webgunean egindako albiste bat partekatu du.
Hori horrela, Jessica Chastainek eta Rose McGowanek bat egin dute aktore espainiarren protestekin. Izan ere, Estatuan hainbat aktorek salatu dute epaia: Penelope Cruz, Leticia Dolera, Natalia de Molina, Aura Garrido, Paz Vega, Blanca Portillo, Maria Valverde, Maribel Verdú, Paula Echevarria, Anabel Alonso, Ursula Corbero eta Aitana Sanchez-Gijon. Besteak beste, hauek txiokatu dituzte: “Nik sinesten dizut”, “Ez da abusua, bortxaketa da” eta “EZ beti da EZ”.
Zure interesekoa izan daiteke
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.