N-240 errepidea itxita egon da Zeanuri parean, auto-istripu baten ondorioz
Gidari bat harrapatuta geratu da bere kamioian, bi kamioiren eta auto baten arteko istripua gertatu ostean. Kamioiko gidaria eta ibilgailuko bi bidaiariak Galdakaoko Ospitalera eraman behar izan dituzte. Auto-istripuaren ondorioz, errepidea itxita egon da.
Trafiko Zuzendaritzak eta Bizkaiko Suhiltzaileek jakitera eman dutenez, istripua 12:00 aldera jaso da.
Kamioietako bat irauli eta gidaria atera ezinik gelditu da. Suhiltzaileek ibilgailutik atera behar izan dute.
Istripua N-240 errepidean gertatu da, Zeanurin (Bizkaia). Istripuaren ondorioz, hainbat kilometroko auto-ilarak sortu dira.
N-240 errepidea eguerdian itxi dute ezbeharraren ondorioz, baina 19:30 aldera errei bakarra berriz zabaldu dute, Eusko Jaurlaritzako Segurtasun Sailak jakitera eman duenez.
Zirkulazioa Igorretik eta Legutio/Otxandiotik Dimako errepidetik desbideratu behar izan du Ertzaintzak.
56 urteko gidaria erreskatatu ondoren, Galdakaoko ospitalera helikopteroz eraman dute. Osasun zentro berera autoko 22 urteko gidaria eta 23 urteko bidaiaria eraman dituzte anbulantzian. Beste garraiolari bat ezbeharraren tokian bertan artatu dute.
Arratsalde osoan zehar ibilgailuak eta karga errepidetik kentzeko lanean izan dira beharginak eta baliabideak.
Zure interesekoa izan daiteke
Ilara luzeak sortu dira AP-8an, Irungo ordainlekuan eta Bilborako noranzkoan
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.
Hendaia eta Bordele arteko tren lotura larunbatean berrezarriko dute
Larunbatetik aurrera, abiadura handiko trenen erdiak ibiliko dira; igandetik aurrera, berriz, zerbitzuak erabateko normaltasuna berreskuratuko du.
39 urteko gizon bat atxilotu dute Santanderren, bikotekidea hil izana egotzita
Gizonak Poliziari deitu dio eta gertakariak aitortu ditu. Ustezko genero indarkeria gisa ikertzen ari dira.
Gasteizko jaiak gogoz eta errespetuz bizitzeko deia egin du Zeledonek
Aurten, hirugarren aldiz izango da Zeledon Iñaki Kerejazu, eta gaur zahatoa eta aterkia jaso ditu Maider Etxebarria Gasteizko alkatearen eskutik. Andre Maria Zuriaren jaiak abuztuaren 4an hasiko dira, Zeledonen jaitsierarekin.
Lasaitasuna errepideetan irteera operazioaren lehen orduetan, goiz nahasiaren ostean
Asteburu honetan, auto ilarak izango dira EAEko errepide sareko ohiko lekuetan, Europatik datozen ibilgailu ugari penintsularen hegoaldera doazelako.
Albiste izango dira: Udako irteera operazioa, migrazio krisia Ceutan eta La Oreja de Van Gogh Donostian
Gaurkoan Orain-en albiste izango direnen laburpena, bi hitzetan.