Isuna jarri diete AHTaren kontrako lau ekintzaileri, epaiketarik egin gabe
2010ean Itsasondoko (Gipuzkoa) meategi zahar batean Abiadura Handiko Trenaren (AHT) aurkako protesta egiteagatik epaitu behar zituzten lau aktibistek tratua egin dute fiskalarekin, eta 540na euroko isuna ordainduko dute.
Garbiñe Gomez auzipetuen abokatuetako batek EFEri adierazi dionez, zigorra Fiskaltzak eta defentsak lortutako akordioari esker ezarri dute, Euskal Trenbide Sareak akusazio partikularra baztertu ostean. Gainera, aringarriak aplikatu dizkiete, zortzi urte igaro baitira protesta egin zutenetik.
Aipatutako isunez gain, laurek oraindik zehazteke dagoen diru-kopurua ordaindu beharko dute erantzukizun zibilari dagokionez, meategi barrutik ateratzeko erreskate operazioa ordaintzeko. Ebazpena aplikatzeko fasean zehaztuko dute zenbatekoa.
Lau auzipetuak -bi gizonezko eta bi emakumezko- 2010eko uztailak 5ean atxilotu zituzten Ertzaintzako Mendiko Taldeko agenteek, aurreko egunak ezkutatuta eman eta gero.
Segurtasun Sailak garai horretan zabaldu zuenez, emakumeak kobazuloan kateatu ziren eta lehenak izan ziren irteten, agenteek kateak moztu eta gero. Gizonezkoak, aldiz, erlaitz batera igo ziren, heltzeko zaila zen leku batean, eta haiengana urak hartutako gune bat igaro behar izan zuten.
Guztiei desordena publikoa eragitea, erresistentzia eta desobedientzia egotzi zizkieten. Ondoren, komisariara eraman zituzten, Beasaingo osasun etxean azterketa egin eta gero.
Zure interesekoa izan daiteke
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.
Donostian perdigoi-tiroen ondorioz zauritutako gizon baten aurkako eraso arrazista salatu dute
Gizonak hiru jaurtigairen kolpea jaso zuen aurpegian eta bizkarrean. Harrera Sarearen arabera, "hilabete gutxiren buruan etorkin bati egin zaion horrelako bigarren erasoa da".
Esako urtegian aurkitutako gizon zatikatuaren hilketaren ustezko egilea espetxeratu dute
Biktimaren eta susmagarriaren etxebizitzan aurkitutako ebidentziek, segurtasun-kamerek hartutako irudien analisiarekin batera, krimenaren kronologia ezartzea eta susmagarri nagusia atxilotzea ahalbidetu dute.
Medikuek urriaren 28an hasiko dute greba mugagabea
Euskadiko Medikuen Sindikatua sartuta dagoen Greba Batzordeak Estatutu Markoaren aurka borrokatzeko greba mugagabea iragarri du. Horrekin batera, SATSE, ELA, LAB, CCOO eta UGT sindikatuek deituta, beste bost greba egun egitera deituta daude Osakidetzako langileak, urritik abendura bitartean.
Miren Elgarresta, Emakundeko zuzendaria: “Zenbat eta sentsibilizazio lan handiagoa egin, orduan eta kasu gehiago azaleratzen dira sexu askatasunaren kontrako delituei lotuta"
Miren Elgarresta Emakundeko zuzendariak gaur Euskadi Irratian azaldu duenez, genero-indarkeriagatik edo sexu-askatasunaren aurkako delituengatik Euskadin jarritako salaketen kopuruak goranzko joera du. Horren hitzetan, igoera hori, neurri batean, sentsibilizazio-lanaren eta biktimen eskura baliabide eta zerbitzu gehiago jartzearen ondorio da, babes handiagoa ematen baitiete eta salaketa jartzera bultzatzen baitituzte.
PISAko emaitza txarren gakoak sakon eta denboraz aztertu behar direla diote adituek
Ostiral honetan EAEko 900 ikastetxetako ordezkariekin bildu aurretik, Begoña Pedrosa Hezkuntza sailburua aditu talde batekin bildu da gaur arratsaldean, hezkuntza-sistemaren gabeziak aztertzeko. Horietako batek, Junkal Gutierrezek, azaldu du ez dagoela faktore bakar bat PISA txostenak erakutsitako emaitza txarrak azaltzen dituena, eta askotarikoak izan daitezkeela.
CAFen Beasaingo plantako komun batean kamera bat aurkitu dute eta langile batek bere burua erruduntzat jo du
Enpresa Batzordeak gertatutakoa salatu du eta "elkartasun osoa" adierazi die "eraso hau jasan ahal izan duten pertsona guztiei". Ertzaintzak ikerketa zabaldu du.
'Euskara Bonuaren' estreinaldiarekin hasi da euskaltegietako matrikulazioa
Ekimen horri esker, euskara lau urtez ikas daiteke 120 euroko ordainketa bakarra eginda, eta herritar gero eta gehiago hizkuntzaren "erabiltzaile independente" izatea du helburu.
Hezkuntza Saila arratsaldean bilduko da ebaluaziorako aditu taldearekin PISA txostenaren emaitzak aztertzeko
Begoña Pedrosa sailburuak gidatuko du gaurko bilera, eta hezkuntza-sistemaren gabeziak aztertzeko balioko du, besteak beste. Hausnarketa horiek guztiak bihar BECen bilduko diren 900 ikastetxeetako ordezkariei helaraziko dizkiete, elkarrekin aurrera pausoak emateko.