Tren bat hustu dute Alonsotegin, zuhaitz bat trenbidera erori da eta

Helena borraska dela eta, abisu horian gaude larunbat honetan Euskal Herrian. Haize bolada bortitzak izan dira han-hemenka eta hainbat kalte eragin dituzte.

Larriena Alonsotegin gertatu da, Bilbo-Balmaseda ibilbidea egiten zuen tren batean. Haizeak zuahitz bat bota du trenbidera 14:00ak aldera, eta trena hustu behar izan dute. Ez da inor zauritu, baina Alonsotegiko Babes Zibileko langileek 25 bidaiari atera behar izan dituzte. Tren zerbitzua etenda geratu da eta bidaiariek autobusez jarraitu behar izan dute bidea.

Lekeition, kiroldegiko teilatuaren zati handi bat altxatu du haizeak. Kiroldegia itxi egin dute eta konponketa lanak hasi dituzte jada.

OHARRA: SEGURTASUNAGATIK, PASKUAL ABAROA ETORBIDEA MOZTUTA MANTENDUKO DA KIROLDEGITIK TALARA BITARTEAN, #lekeitio 'ko frontoiko teilatuan haizeak sortutako kalteak direla eta. @BomberosBIZ eta udal langileak lanean. Kiroldegia itxita egongo da. Jarraitu Udaltzainen gomendioak. pic.twitter.com/1s75FLkQmf

— Lekeitioko Udala (@Lekeitio_Udala) 2 de febrero de 2019

Donostian, berriz, zuhaitz handi bat bota du haizeak unibertsitate inguruan:

Haizeak Donostian bota duen zuhaitza. Argazkia: EFE

Suhiltzaileek, gainera, interbentzio asko egin behar izan dituzte. Bizkaian, esate baterako, Santurtzin, Zaratamon, Berrizen, Sestaon, Basaurin, Urdulizen, Barakaldon eta Getxon aritu dira lanean.

Bost metro inguruko olatuak izaten ari dira kostaldean:

Donostia. EFE

Hondarribia. Julio Beldarrain

Zumaia, Lazaro Gonzalez

Nafarroan, hegoaldean espero da haize gehien. 75 km/h-ko ufadak daude iragarrita baina momentuz ez da arazoen berririk izan.