Lehen Arretako medikuen eta erizainen kopurua handituko du Osakidetzak
Familia-medikuen eta erizainen kopurua handituko du Eusko Jaurlaritzak lan-karga gehien duten Lehen Arretako zentroetan. 80 plazatik gora aterako ditu Osakidetzak. Helburuak dira mediku bakoitzeko 1.400 paziente baino gehiago ez egotea eta 75 urtetik gorako gaixoen kontzentrazioa ez izatea % 15tik gorakoa. Lehen Arretako Estrategia honek 4,6 milioi euroko inbertsioa aurreikusten du, hurrengo bi urteetna.
Jon Darpon Osasun sailburuak planaren zazpi linea estrategikoak eta 35 akzioak aurkeztu ditu. "Euskal gizarteari zerbitzu hobea ematea eta profesionalen lana erraztea" dira helburuak.
Osasun zentroen antolaketa hobetzea, giza baliabideak eta materialak handitzea, mediku taldeen lan burokratikoak gutxitzea eta medikuen eta erizainen ahalmena handitzea dira akzioen zioak.
Azaldu duenez, dokumentua "lan, hausnarketa eta eztabaida hilabeteen" emaitza da, profesionalen elkargoekin, Osakidetzako osasun zentroekin, sindikatuekin, talde politikoekin eta aholkulariekin.
Lehen Arretan azken 30 urteetan egindako "oinarrizko lana" goraipatu du sailburuak, eta onartu du bizi-itxaropena luzatzearen ondorioa gizartea gero eta adinduagoa izatea da, eta horrek gaixotasun kronikoak gehiagotzea dakar.
Horregatik, Lehen Arretako zerbitzuaren eredua "berritu" behar dela uste du Darponek.
80 plaza gehitzeaz gain, zentroak eraberritzeko eta sistema teknologikoak gaurkotzeko inbertsioa igotzen jarraitzea du helburu planak.
Gainera, sistema eta ekipo informatikoak eraberritzeko 9,7 milioi euroko inbertsioa aurreikusita dago.
Estrategiaren helburuetako bat da medikuen eta erizainen lana desburokratizatzea, gaixoak artatzen "ahalik eta denbora gehien" eman ahal izan dezaten.
Greba Lehen Arretan
Lehen Arretan iragarrita dauden hiru greba egunengatik "ardura eta zalantza" agertu ditu sailburuak, baina uste du "oraindik garaiz gabiltzala guztien artean lan egiteko", ofizialki deituta ez daitezen.
Martxoko, apirileko eta maiatzeko hiru egunetan lanuzteak egingo dituztela iragarri dituzte langileek, Eusko Jaurlaritzari lan karga gutxitzeko konponbideak eskatzeko.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.