Euskal unibertsitate sistema 2022ra arte antolatzeko plana onartu du Jaurlaritzak
Cristina Uriarte Hezkuntza sailburuak egindako eskaeraren harira, Gobernu Kontseiluak 2019-2022 Unibertsitate Sistemaren Plana onartu du astearte honetan, Euskal Unibertsitate Sistema berritze aldera.
Horrekin, Eusko Jaurlaritzak legealdi honetarako aurreikusitako plan estrategikoetako bat beteko du Hezkuntza Sailak. Esan bezala, "Euskal Unibertsitate Sistemaren Plana" deituko diote egitasmo berriari. Orain artekoa "Unibertsitate Plana" izenarekin ezagutzen zen.
Plan horren asmoa da unibertsitate guztientzat estrategia eta helburu bateratuak ezartzea. Horretarako, unibertsitate bakoitzaren planak koordinatuko dituzte.
Guztira, 1.411 milioi euroko aurrekontua bideratuko dute unibertsitate sistema berriaren berrantolaketara, orain arte indarrean zegoen sistemara zuzendutakoa baino 124 milioi gehiago (+ % 9,6).
Plan berriak bost ardatz nagusi ditu: bikaintasun ikerketa, unibertsitatea eta enpresa, formakuntza eta metodologia berritzaileak, internazionalizazioa eta unibertsitate komunitatea. Bestalde, hiru erronka nagusi ditu: genero berdintasuna sustatzea (besteak beste, soldatak parekatuz), euskararen erabilera zabaltzea eta zuzentasuna bultzatzea. Aurretik aipatutako bost ildoak bat datoz Europa mailan ezarritako irizpideekin.
Bukatzeko, helburuen artean, nabarmentzeko modukoa da eredu dualean matrikulatutako ikasle kopurua laukoiztu nahi dutela, 1.750era heldu arte. Horrez gain, ikasketa zientifiko-teknikoak aukeratzen dituzten emakumeen portzentajea haztea nahi dute: % 32tik % 52ra, hain zuzen ere.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.