Nafarroako Hezkuntzako oposizio handienaren bigarren eguna da gaurkoa
Nafarroan, Hezkuntzako oposizioen bigarren eguna dute gaur. Hezkuntza Departamentuak sekula egin duen irakasle deialdirik handiena da oraingo hau, eta 08:00etan ekin diote oposiziogileek azterketei. 643 plaza daude jokoan eta 6.000 pertsonak eman dute izena LEP honetan parte hartzeko.
Atzo hasi eta asteartera arte, Iruñeko Mendillorriko institutuan ari dira azterketak egiten. Hautagaiek euskaraz edo gazteleraz, nahiz bietara egin ditzakete probak.
Gaur, besteak beste gorputz heziketa (euskaraz, 08:00etan), ingelesa (euskaraz, 11:30ean eta gaztelaniaz 18:30ean) eta hizkuntzaren txanda izango da (euskaraz, 15:00etan).
Atzo 2.000 lagun inguruk hartu zuten parte lehen egunean. Haur Hezkuntza eta Lehen Hezkuntzako irakasle izateko azterketa egin zuten eta Nafarroako Hezkuntza Departamentuak eguna "normaltasunez" garatu zela adierazi zuen.
Astelehenean, Pedagogia Terapeutiko espezialitateko azterketa izango da 08:00etan (euskaraz), Musika (gaztelaniaz) 11:30ean, Euskara (15:00etan) eta Musika (euskaraz) 18:30ean.
Asteartean amaituko da lehen fase teoriko hau. Pedagogia Terapeutiko espezialitateko azterketa izango da 08:00etan (gaztelaniaz) eta Gorputz Heziketa 11:30ean (gaztelaniaz).
Fase honen amaieran, gainditzen dutenek proba praktikoak egin beharko dituzte. 25ean 15:00etan Lehen Hezkuntzako hautagaiek gaztelaniaz egingo dute lehen azterketa eta hilaren 28an, Gorputz Heziketakoek, gaztelaniaz, 18:30ean azkenak.
Ordutegi guztiak Nafarroako Hezkuntzak aurreko ikasturtean estreinatuko web aplikazioan daude, baita Nafarroako Gobernuaren tramiteen webean ere.
Zure interesekoa izan daiteke
Ospakizuna lehertu da Orion eta Donostian, Kontxako bandera irabazita
Ospakizunetan dira igande osoan Orion, herriko arraunlariek Kontxako Bandera eraman ostean: 34. astindu dute gaur. Herritarren babesa jaso dute beste behin ere arraunlariek. Eguneko beste txapeldunak Arraun lagunakekoak izan dira. Eguerdian hasi dute ospakizuna zaleekin, Kontxako bandera preziatua bosgarrenez irabazi ondoren.
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera joaten direnei eta Zubietara joaten diren Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipena ospatu baitute.
Imsersoren bidaiak bihartik aurrera egongo dira eskuragarri Hego Euskal Herriko pentsiodunentzat
Nafarrentzat astelehenean abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.