Beroaldia gaiztotu egingo da Erriberan, eta lasaitua hartuko du Kantauri isurialdean
Oso gau beroa utzi du beroaldiak Hego Euskal Herrian. 30 gradutik gora izan dira termometroak goizaldean, Aemeten datuen arabera.
7:00etako datuekin, Bastida (Araba) eta Iruñeko estazio meteorologikoak izan dira beroenak, 32,8 gradurekin.
Gertu egon dira Areso (Nafarroa), 32,3 gradurekin, eta Arabako Kanpezu eta Leza, 31,4 eta 31,3 gradurekin, hurrenez hurren.
Tuteran (Nafarroa) ere oso gau beroa izan dute, 31 graduko tenperaturekin.
Gaur, ostirala, beroaldiak ia lurralde osoa joko du berriro.
Alerta gorria Nafarroako hegoaldean
Nafarroan alerta gorria (muturreko arriskua) dago, 42 gradutik gorako tenperaturengatik, erdialdean eta Erriberan. Azken eskualde horretan dago tenperatura hori gainditzeko aukera gehien. 13:00ak eta 20:00ak bitartean mantenduko ditu abisuak Aemetek.
Gainera, Pirinioak ere alerta horian daude, 37 gradutik gora izan daitezkeen tenperaturekin.
Lizarran 23 eta 42 gradu artean egongo dira termometroak; Iruñean, 20 eta 39 artean; Erronkarin, 19 eta 38 artean, eta Tuteran, 23 eta 42 artean.
Atsedenaldia Kantauri isurialdean
EAEn, Euskalmetek alerta laranja mantenduko du Araban, tenperatura altu iraunkorragatik Iragate-zonan eta Ebro ondoko eskualdean egun osoan, eta muturreko tenperatura oso altuengatik eguerditik 21:00etara.
17 eta 36 gradu artekoak izango dira tenperaturak Iragate-zonan, eta 19 eta 30 artekoak Ebro ondoko eskualdean.
Kantauri isurialdean, egoera bestelakoa izango da, baita aurreko bi egunekin alderatuta ere. Ez dago abisurik. Barnealdean, 32 gradukoak izango dira maximoak, eta kostaldean 25 gradutan geratuko dira.
Zer egin bero handia dagoenean?
Eusko Jaurlaritzako Larrialdiei Aurre Egiteko eta Meteorologiako Zuzendaritzak tenperatura altuei aurre egiteko gomendio hauek eman ditu.
Zure interesekoa izan daiteke
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.