Irteera eta itzulera operazioek auto-ilarak eragin dituzte errepideetan
Oporretako irteera eta itzulera operazioek auto-ilarak eragin dituzte Irungo (Gipuzkoa) bidesarian eta Armiñonen (Araba). Lehen kasuan hiru kilometroko auto-ilarak izan dira, goizean zehar arintzen joan direnak. Bigarrenean kasuan aldiz, sei kilometroko auto-ilarak izan dira.
Segurtasun Sailaren arabera, zirkulazioa moteldu egin da 07:40tik aurrera Irungo A-68 errepidean, Bilborako noranzkoan, hiru kilometroko auto-ilarak sortuz. Auto-pilaketak eguerdian bukatu dira.
Araban oztopoak 8:00etan hasi dira, eta sei kilometroko auto-ilarak eragin dituzte Armiñongo A-1 eta AP-1 errepideen loturan, Madrilgo noranzkoan.
Orion lau ibilgailuren arteko istripuak errail bat itxita utzi du Bilboko noranzkoan. Istripua 10:48an izan da eta ez da zauriturik egon. Ondorioz, istripuak hiru kilometroko auto-ilarak eragin ditu.
Radio Euskadik egindako elkarrizketa batean, "astebururik zailenetarikoa da", abisatu du Sonia Diaz de Corcuerak, Eusko Jaurlaritzako Trafiko zuzendariak. Izan ere, uztaileko azken asteburuan irteera operazioa eta itzulera operazioa elkartzen dira.
Gainera, eguraldi txarrak "trafikoa nahasten du", ohartarazi du zuzendariak. Horregatik, errepidean arretaz gidatzea aholkatu du, eta kontuz ibiltzea abiadurarekin eta arreta galtzeekin.
Zure interesekoa izan daiteke
Donostiak jendetza hartu du Aste Nagusiko lehen gauean
Pertsona ugari bildu dira Donostiako kaleetan Aste Nagusiaren lehen egunean jai giroaz gozatzeko. Su artifizialek ikusle ugari erakarri dituzte, eta zerua kolorez bete dute. Zezensuzkoak ere ilusioa eta dibertsioa piztu ditu, batez ere haur eta nerabeen artean.
Nola jakin daiteke noiz gertatuko den eklipse bat?
Astronomoek zehaztasunez kalkula dezakete noiz gertatuko den eklipse bat, Ilargiaren, Eguzkiaren eta Lurraren orbitak ikusita.
Zeledon San Migeleko dorrera igota emango diete amaiera Gasteizko jaiei
Astelehen goizaldean, hildako blusen eta nesken igoera eta kandelen prozesioa ere egingo dira, ekintzaz beteriko sei jaiegunei agur esateko.
Huelvako eta Castelloko suteak ezin menderaturik jarraitzen dute
467 lagun ebakuatuta daude oraindik Nieblako suteagatik; Tirigen, berriz, 395 hektarea inguruko eremua erre da eta Cati herria konfinatuta dago.
Sutea piztu da Urkila-Elgea mendilerroan, Barrundian
Bart piztu dira garrak, ustez ekaitzaren ondorioz, ez baita baztertzen tximista batek eragindakoa izatea. Suhiltzaileak bertaratu dira.
Oihane Mateos, Orain EITBren albiste zerbitzu digitalaren burua, hil da
Kazetaritzari eta etxe honi lotutako ibilbide profesional oparoa garatuta, 45 urterekin zendu da.
Kanoikadak Donostia astinduta abiatu dira jaiak
Euriak ez du unea zapuztu, eta Onintza Mokoroak metxa piztearekin batera lehertu da festa Gipuzkoako hiriburuan. Euskal dantzek protagonismo berezia izan dute, hiriko zortzi taldek eman baitiote hasiera Aste Nagusiari.
Piraten baltsek Kontxako badia hartuko dute berriro astelehenean
Piraten abordatzeak milaka parte-hartzaile bilduko ditu berriro Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.
Aktibo jarraitzen dute Huelvan eta Castellon piztutako suteek
Castellon, Cullako sutea kontrolpean dute jada, eta Serra d’en Galcerango sutearen bilakaera ona da; Tirigen, aldiz, sugarrek aurrera egiten jarraitzen dute. Nieblan (Huelva), suteak aktibo jarraitzen du, eta 4.000 hektarea erre dira jada.
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.