Getxoztar bat hil zuen taldeko kide bat preso dago abuztutik, beste delitu batengatik
Getxoko (Bizkaia) auzokide bat hiltzeaz arduratzen den gazikile-sareko kideetako bat Castelloko kartzela batean dago abuztutik, beste delitu batzuk leporatuta. Hildakoa emakume batekin geratu zen Internet bidez, sexu-harremanak izateko asmoz, baina, egiatan, berari lapurtzeko tranpa bat zen.
Iturri juridikoek baieztatu dutenez, gaizkile-sare honek Pedrola inguruan (Zaragoza) egindako lehen lapurretan parte hartu zuen espetxean dagoen gizonezkoak. Uztailean, La Almunia de Doña Godina udalerriko bizilagun bat metodo berarekin engainatu zuten, eta biktima gogor kolpatu bazuten ere, bere bizitza salbatzea lortu zuen. Irailean, Tuterako (Nafarroa) bizilagun batek beste salaketa bat jarri zuen.
Getxoztarraren hilketaren ustezko egileak, eta, antza denez, aurretik Zaragozan metodo berarekin egindako beste bi erasoetan parte hartu zuten gaizkileak, larunbatean espetxeratu zituzten.
Ikertzaileen arabera, taldeak "muturreko indarkeria" erabiltzen zuen lapurretak egiteko eta biktimen kreditu-txartelen gakoak lortzeko. Internet bidez biktimak erakartzen zituen emakumeak ere erasoetan parte hartzen zuen.
Bitartean, gaizkile-sare horretako laugarren ustezko kide baten bila jarraitzen du Poliziak. Alabaina, oraindik ez dute argi zenbat gaizkilek parte hartu zuten getxoztarrari egindako lapurretan.
Izan ere, erasoa jazo zen lekutik gertu dauden hainbat kutxazain automatikoen kamerek oraindik identifikatu gabe dagoen susmagarria grabatu zuten, baina aurpegia bisera batekin ezkutatuta zeraman.
Zure interesekoa izan daiteke
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.