Gizon bat hil dute tiroz Bilbon
Gizon bat hil tiroz hil dute ostegun honetan Bilboko Alde Zaharrean, Bruno Mauricio Zabala kalean.
Ertzaintzak jakinarazi duenez, hilketaren bi ustezko egileak, gizon bat eta bere semea, atxilotu egin dituzte. Antza denez, tiroak egin ondoren, bi gizonak gertuko etxebizitza batean sartu dira, babes bila, baina ondoren euren burua entregatu dute, agenteek inguratuta zituztela ikusita.
Ikerketaren iturrien arabera, gertatutakoa bi familiaren arteko liskar bat izatea da hipotesi nagusia.
Tiroak posta-kartutxoekin kargatutako eskopeta batekin egindakoak izan dira. Ehizan ere debekaturik dagoen munizioa da, oso arriskutsua baita.
14:40 aldera, larrialdietako zerbitzuek hainbat lagunen deiak jaso dituzte, aipatutako lekuan tiroketa egona zela esateko, eta polizia-agenteak segituan bertaratu dira. Guztira, hiru tiro entzun ahal izan dira, eztabaida bortitz batean zehar.
Ertzaintzak gunea sokaz hesi du, eta gertatutakoa ikertzeari ekin dio. Talde zientifikoko agenteak ere han daude, frogak biltzen.
Bruno Mauricio Zabala kalean jazo da krimena. Argazkia: ETB
Auzokideak, haserre erakundeekin
Testuinguru horretan, Sanfran Auzokideak plataformak deitoratu egin du gertatutakoa, eta segurtasuna bermatzeko neurriak hartzeko hilketa bat gertatu arte itxaron behar ote duten galdetu die erakundeei.
EFE agentzian egindako adierazpenetan, elkarte horretako ordezkariek gaitzetsi egin dute krimena, eta doluminak adierazi diete biktimaren senideei.
Azken hilabeteetan, auzokideek hainbatetan salatu dute Alde Zaharreko segurtasun eza, eta delituek gora egin dutela ohartarazi dute.
Horregatik, kaleotan polizia gehiago egotea eta beste hainbat segurtasun neurri hartzea eskatu diete erakundeei.
Alkateak irmo jokatzeko eskatu dio Justiziari
Bestalde, Juan Mari Aburto alkateak "irmo" jokatzeko eskatu dio Justiziari, eta gaineratu du hiltzaileak “soberan” daudela Bilbon.
Udalak igorritako agiri batean, Aburto haserre agertu da gertatutakoarekin.
"Poliziak hiltzaileak atxilotu ditu. Orain, Justiziak irmo jokatu behar du", adierazi du.
Zure interesekoa izan daiteke
Lezoarrak kezkatuta daude Pasaiako portuko isuriekin eta neurriak eskatu dituzte
Azken sutearen ondorioz, leihoak ixteko deia egin diete agintariek. Horrelakoak eguneroko kontua direla salatzen dute eta elkarretaratzea egin dute udaletxe aurrean. Portuan lan egiten duten enpresek euren osasunaren kontura ateratzen dituztela etekinak diote eta agintariei neurriak hartzeko eskatu diete.
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak beren etxeetara itzuli ondoren, nahiz eta operatiboak lanean jarraitzen duen 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.
Euria Urzainkiko sutea itzaltzen laguntzen ari da, baina ibilgailuen sarbidea zailtzen du
Baso-pistak ezin dira ibili, lurraren ezegonkortasuna areagotu eta elementuak erortzeko aukera baitago. Horrek arriskua areagotu du, eta bigarren mailako sute-guneak sortzeko probabilitatea handitu du.
Euskadik Hezigiro abiatu du, ikastetxeetan konfort termikoa hobetzeko plana
Hezkuntza Sailak pilotajea jarri du martxan Bizkaiko lau ikastetxetan: Bagatza HLHI (Barakaldo), Luis Briñas-Santutxu BHI (Bilbo), Pagasarribide IPI (Bilbo) eta Indautxu HLHI (Bilbo).
Riglosko sutea "datozen orduetan" kontrolatuko dute
Ostiral honetan, sua kontrolatutzat emateko falta diren gune beroak itzaltzen saiatuko dira, eta Santa Cruz de la Serosko bizilagunak, aterperik gabe zeuden bakarrak, etxera itzuli ahal izango dira.