Zabalako bizilagunek 'inpunitatea' deitoratu eta Aburtori 'autokritika' eskatu diote
Zabala Berri elkarteak Poliziaren presentzia handiagoa eskatu du Bilboko auzoan. Bestalde, Juan Mari Aburto alkateari "autokritika" egitea eskatu diote, "nazkaz hitz egin beharrean, nahiz eta txikia izan, errudun-konplexu pixka bat izan beharko luke, Udaltzaingoa auzoan ez dabilelako".
Bilboko auzo honetan, gizon bat tirokatu eta hil zuten ostegunean, 15:00ak aldera, Bruno Mauricio Zabala kalean. Bi pertsona atxilotu zituzten krimena egotzita.
Karmelo Anakabe Zabala Berri elkarteko presidenteak deitoratu duenez, gertatutakoaren ondotik zabaldutako irudietan ikus daiteke "krimenaren inpunitatea"; izan ere, biktimari tiro egin ondoren, egileak "lasai asko paseatzen" ikusten dira "Far West" izango balitz bezala.
Anakaberen ahotan, tokitik "eskopeta eskuan, patxadaz, ingurura begira" alde egiten dute, "eta gero etxera lasai igotzen dira, eta Ertzaintza heldu arte itxaroten dute".
Ostegun honetan gertatutakoa "arazo puntuala" dela uste du Anakabek, baina "lehertu da". Bizilagunek bi familien arteko "errepresaliarik" espero ez dutela erantsi du; izan ere, "dagoeneko biktimaren familia auzotik atera dute Poliziaren zaintzapean".
Auzoan "guztiak lasai asko bizi gara", azpimarratu du elkarteko ordezkariak, baina egunez "droga-trafiko arazoekin inpunitate handia" dela ohartarazi du, "Poliziaren presentziarik ez dagoelako".
"Nahiz eta erru guztia Udalari ez bota", Juan Mari Aburto Bilboko alkateak "autokritika" egin beharko luke, gaineratu duenez.
Zentzu horretan, "nazkaz hitz egin" beharrean, "nahiz eta txikia izan, errudun-konplexu pixka bat izan beharko luke alkateak, Udaltzaingoa auzoan ez dabilelako", planteatu du Anakabek.
San Frantzisko auzoan, ordea, Polizia ikusten da, "gatazka etengabea delako arreta bertan jarri baitute", baina "patruilak ez dira gure auzora heltzen eta Poliziaren gabezia nabaritzen da", azaldu duenez. "Inpunitate hori denborarekin nagusitzen da, eta poliziarik ez dagoenez, delituek gora egin dute", ohartarazi du.
Zure interesekoa izan daiteke
Beroagatik ezarritako alerta abisu horira jaitsi dute EAEn; Nafarroa erdialdean eta Iparraldean alerta mailari eutsiko diote
Arabak alertapean jarraituko du baso sute arriskuagatik. Abisu maila gorabehera, sargori egiten jarraituko du: maximoak 30 ºC-koak izango dira kostaldean, eta 37-38 ºC-koak, barnealdean. Astelehenean behera egingo dute tenperaturek.
Ezkaraiko sutea egonkortu dute, 115 hektarea inguru kiskali ostean
Dirudienez, Ayabarrena herrixkako sutea ostegunean piztu zen, ekaitzean botatako tximista baten eraginez.
"Joker" identifikatu eta zigortu dute bosgarren entzierroan, zezena grabatu eta ukitzeagatik
Sare sozialetan "Joker" bezala ezaguna den gizona identifikatu eta zigortu du Iruñeko Udaltzaingoak, telefono mugikorrarekin San Ferminetako bosgarren entzierroa grabatzeagatik eta zezenetako bat ukitzeagatik, korrika egiten ari zela. Bere portaerak entzierroaren araudia urratzen du, eta lasterkarien eta animalien segurtasuna arriskuan jartzen du.
Almeriako suteak "bilakaera ona" du, baina 6600 hektarea erre ditu dagoeneko
Baldintza meteorologikoek hobera egin dute, eta "lehen aldiz, suteari aurre egiteko moduan gara", iragarri du Larrialdi kontseilariak. Oraindik 23 pertsona topatu ezinda dabiltza, baina ez dute hustutze eta konfinamendu gehiagorik egin. 12 dira hildakoak.
Jose Escolarren zezenek entzierro arriskutsua osatu dute, eta korrikalari batek adarkada jaso du aurpegian
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere. Lehenengo balantzearen arabera, 14 dira zaurituak, eta batek adarkada jaso du aurpegian.
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.