Indarkeria matxista
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Gizon batek emakume bati eraso dio Donostian, urruntze-agindua urratuta

Erasotzailea biktimaren bikotekidea zen; kartzelan sartu dute, genero-indarkeriako delitu bat egotzita. Astelehen honetako goizaldean gertatu da.

Agentziak | Erredakzioa

Azken eguneratzea

51 urteko gizon batek emakume bati eraso dio Donostian, indarrean zuen urruntze-agindu bat urratuta. Eusko Jaurlaritzaren Segurtasun Sailak jakitera eman duenez, erasotzailea biktimaren bikotekidea zen. Kartzelan sartu dute gizona, genero-indarkeriako delitu bat egotzita.

Biktima Donostia Ospitalera eraman dute; izan ere, kontusioak, hematomak eta arma zuriak eragindako ebakiak zituen aurpegian eta izterretan.

Asteleheneko goizaldean gertatu zen, 01:45 aldera. Una horretan, emakume batek 112 Sos Deiak telefonoari deitu zion, jakinarazteko bikotekidearen eraso bat zuela pairatuta eta zaurituta zegoela. Ertzaintzaren patruila iritsi zenean, emakumea bere etxeko atarian zegoen; segituan ospitaleratu zuten, haren lesioengatik.

Etxebizitzan, agenteek ustezko erasotzailea topatu zuten, lotan, eta odol-zantzuak antzeman zituzten horren jantzietan. Genero-indarkeriako delitu batengatik, atxilotu egin zuten.

Gainera, ertzainek egiaztatu zuten gizonak urruntze-agindua zuela, eta debekatuta zuela biktimarengana hurbiltzea. Atxilotua astelehen arratsaldeko lehen orduan sartu zen kartzelan.

Donostiako Udaleko udalbatzak elkarretaratzea egingo du astearte honetan, 12:00etan, Alderdi Ederreko lorategietan, genero-indarkeriako kasu hau gaitzestea xede.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.
Gizartea Indarkeria matxista Gipuzkoa Tratu Txarrak Euskal Autonomia Erkidegoa Delituak Donostia Eguneko Titularrak Matxismoa

Zure interesekoa izan daiteke

Gehiago ikusi
Publizitatea
X