Pankreako minbizia moteltzea lortu dute bi molekularen inhibizioari esker
Molekulen bi inhibitzaileren konbinazioak pankreako minbiziaren garapena moteldu egin daitekeela erakutsi du, Nafarroako Unibertsitate Klinikako (CUN) onkologo batek, Mariano Ponz-Sarvisek, Ameriketako Estatu Batuetako Cold Spring Harbor Laboratoryn "clinical fellow" gisa egindako egonaldian hasitako ikerketa aurrekliniko baten arabera.
Clinical Cancer Research aldizkari zientifikoaren azken zenbakian argitaratutako lanak pankreako minbiziari buruzko ikerketa ildoarekin jarraitzen du. Orain urte batzuk, Ikerketa Mediko Aplikatuko Zentroak (CIMA) eta Nafarroako Unibertsitate Klinikak (CUN) organoide ereduak (ehunaren hiru dimentsioko hazkuntza) erabiliz abiatu zuten ikerketa hori, tumore solidoen programaren barruan.
Ponz-Sarvisek ohar baten bidez emandako azalpenen arabera, "azpimarragarriena da organoide eredu bat erabiltzen dugula, non ehun normala eta tumorala aztertzeko gai garen, desberdintasunak bilatzen saiatzeko, eta tumorearen aurka eraginkorragoa den botika lortzen saiatzeko".
Orain arte, ezaguna zen MEK eta AKT molekulek tumore zelula pankreatikoak aktibatzen zituztela, baina tratamenduak ez ziren eraginkorrak izan inplikatutako HER izeneko hirugarren familia molekular baten ondorioz. Izan ere, hiru molekulak aldi berean inhibitzeak toxikotasun handia sortzen zuen fase aurreklinikoetan; horregatik, ikertzaileek horien arteko konbinazioak aztertu dituzte, soluzio eraginkor baina ez hain toxiko baten bila, eta "ikusi dute ondoen funtzionatzen duen bikotea MEK dela, HER inhibitzailearekin", espezialistak argitu duenez.
"Egiaztatu dena da bi molekula horiek inhibitzeak tumorearen garapena moteldu egiten duela. Are gehiago, talderen batean argi eta garbi gutxitu egiten da", gaineratu du.
Ikerketa fase aurreklinikoan dago oraindik, baina tumorearen bilakaera moteltzea lortuz gero, pazientearen biziraupena handiagoa izango litzateke, eta denbora horretan garatzen diren tratamendu edo saiakuntza kliniko berriak baliatzeko aukerak zabalduko lituzke.
Gaur egun, pankreako minbizia ez da oso ohikoa, baina haren intzidentziak eta hilkortasunak gora egin du azken urteetan, oso tumore erasokorra baita. Diagnostiko goiztiarra egiteko zailtasunak eta egungo tratamenduetan eraginkortasunik ez izateak ikerketaren garrantzia handitzen dute, iturri berberek adierazi dutenez.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.