4.659 emakumek jasotzen dute Ertzaintzaren babesa genero-indarkeriagatik
Etxeko indarkeriaren edo genero-indarkeriaren 4.659 biktimak jasotzen dute, gaur egun, Ertzaintzaren babesa, Eusko Jaurlaritzaren Segurtasun Sailak jakinarazi duenez. Gainera, babes-aginduek edo urruntze-aginduek 3.291 emakumeri eragiten diete, eta 85ek eskolta eramaten dute (arrisku-mailaren arabera, iraunkorra ala noizbehinkakoa da eskolta hori). Halaber, 46 erasotzailek kontrol telematikoko eskumuturrekoa eramaten dute.
Jaurlaritzak, era berean, zehaztu du 386 emakume biktimak erabiltzen dutela APP Bortxa mugikorrerako aplikazioa; aurten hasi da eskuragarri egoten aplikazio hori, eta aukera ematen die etxeko edo genero-indarkeriaren biktimei ertzain-etxeekin eta laguntza-zentro espezializatuekin etengabeko harremana izateko. Ertzaintzak, horrez gain, Bortxa telefonoa lagatzen die aplikazio hori erabiltzerik ez duten emakumeei; egun, 74 biktimak dute Bortxa telefono hori.
Datuak, lurraldez lurralde
Eusko Jaurlaritzak zehaztu duenez, 2019ko azaroaren datuei erreparatuta, Arabako 752 emakumek jasotzen dute Ertzaintzaren babesa, Segurtasun Sailak etxeko indarkeriagatik edo genero-indarkeriagatik abiatutako polizia-espedienteak irekita; Bizkaian, 2.356 emakumek jasotzen dute babes hori; eta Gipuzkoan, 1.551k. 2018ko azaroan, guztira, 4.565 biktimak jasotzen zuten: Arabako 789k, Bizkaiko 2.304k, eta Gipuzkoako 1.472k.
APP Bortxa erabiltzen duten emakumeen artean, 85 Araban bizi dira, 216 Bizkaian, eta 85 Gipuzkoan. Aplikazio horren zerbitzuak ere ematen dituen Bortxa telefonoaren 11 erabiltzaile daude Araban, 41 Bizkaian, eta 22 Gipuzkoan.
Segurtasun Sailak zaintzako hainbat lan egiten ditu; espediente larrienetan, eskolta-zerbitzua eskaintzea ere badago lan horien artean. Une honetan, Arabako 11 biktimak dute bizkartzaina, Bizkaiko 66k, eta Gipuzkoako 8k. Iaz, guztira, 66 emakumek eramaten zuten eskolta, EAEn.
Tratu txarrak pairatzen dituen emakumeari babesa emate aldera, halaber, aukera dago epaile batek babes-agindua edo urruntze-agindua ebazteko. Gaur egun, Araban mota horretako 503 agindu daude, 1.524 Bizkaian, eta 1.264 Gipuzkoan. Iaz, neurri horiek EAEko 3.023 emakumeri eragiten zieten.
Kasu jakin batzuetan, epaileak aginduta, erasotzaileak eskumuturreko elektronikoa eraman behar izaten du, urruntze-agindua betetzen duela bermatzea xede. Egun, 5 eskumuturreko daude aktibo Araban, 32 Bizkaian, eta 9 Gipuzkoan. 2018an, guztira, 30 eskumuturreko zeuden aktibatuta Euskadin.
2000tik daude araututa jarduketa-prozedurak
Ertzaintzak 2000tik ditu araututa emakumeen kontrako tratu txarrei aurrea hartzeko eta aurre egiteko jarduketa-prozedurak. Egungo protokoloak 2006an jarri ziren abian. Horien artean, nabarmentzen da Euskal Herriko Unibertsitatearekin batera prestatu zen eta Europan aitzindaria den arriskuak ebaluatzeko sistema. Arriskua neurtzeko prozedura hori, Ertzaintzak zehaztu duenez, behin baino gehiagotan berrikusi eta hobetu dute, azken aldiz 2013an.
Ertzaintzak, kasu berri bat hautematen duen bakoitzean, informatikoki erregistratzen du, etxeko indarkeriako edo genero-indarkeriako espediente batean. Une horretatik aurrera, Ertzaintzak babes aktiboa ematen dio biktimari, esleituta duen arrisku-maila edo epaileak ebazpenarik eman duen alde batera utzita.
Zure interesekoa izan daiteke
COIk debekatu egin die trans emakumeei emakumeen kategorietan lehiatzea
SRY genearen detekzioan oinarritutako neurria 2028an sartuko da indarrean Los Angelesen, atzerako eraginik gabe.
Nor da Bermeoko portuko argazkiko neska? Hibai Agorria argazkilariak Madrilen aurkitu du erantzuna
Madrilgo zakarrontzi batean agertutako argazki negatibo batzuek Urdaibai, Elorrio eta Madril arteko istorio eder bat berreskuratzea ahalbidetu dute.
Osakidetzak pertsona transexualentzako lehen mailako arreta zerbitzuak zabalduko ditu EAEko hiru hiriburuetan
Gauzak ondo bidean, maiatzetik aurrera jarriko da abian zerbitzua. Osakidetzaren zuzendariak adierazi duenez, helburua da pertsona transexualei errespetuzko eta gertuagoko arreta ematea.
Legebiltzarrak onartu egin du udalekuetan adin txikikoen babesa indartzeko Legea izapidetzea
EH Bilduk eta Sumarrek, neurriak babestu arren, prozedura kritikatu dute, eta PPk eta Voxek erreforma egitea "zuriketa hutsa" dela esan dute.
Noelia eutanasia eskatu zuen Bartzelonako gazteak gaur jasoko du, epaileak onartu ostean
25 urteko emakumeak bere erabakiari eutsi dio, nahiz eta aita aurka agertu, Espainian legezko bide guztiak agortuta eta Giza Eskubideen Europako Auzitegira jota.
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrak mendeko egiten dituzten eta osasungaitzak diren produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, eta Alardearen auzia bideratzeko neurriak jasoko ditu
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.