Tafallako bizilagun bat atxilotu dute, aparkatutako auto batzuetan lapurtzeagatik
Foruzaingoak, Tafallako Udaltzaingoarekin batera, nafar udalerri horretako bizilagun bat atxilotu du, aparkatuta zeuden auto batzuetan ustez indarra erabilita lapurtzeagatik. Atxilotuak hainbat objektu hartu omen zituen auto horietatik.
Foruzaingoa ohar baten bidez jakinarazi duenez, herritar batek 112ra deitu zuen, Tafallako zezen-plazako aparkalekuan zaratak eta hiru lagun susmagarri zeudela ohartarazteko. Udaltzainek, bertaratuta, egiaztatu zuten ibilgailu batek apurtutako leihoa zuela; hori balizko lapurreta batekin bateragarria zen. Halaber, auto baten azpian ezkutatuta zeuden bi lagun antzeman zituzten; bi horien testigantzetan kontraesanak zeudela ikusita, susmagarri bilakatu ziren. Bietako batek etxeko ezten bat zeraman; baliteke ateak eta leihoak palankaz mugitzeko erabili izatea. Horrez gain, zenbait objektu eta droga ere zituen aldean. Guardia Zibilak beste susmagarri bat ere antzeman zuen inguruan; horrek bihurkin bat eta ustez lapurtutako hainbat objektu zeramatzan.
Gerora, Foruzaingoak zazpi salaketa jaso zituen Polizia Arreta Bulegoan, aparkatuta zeuden autoetan izandako kalteengatik. Herritar batzuek falta zituzten hainbat gauza: poltsa bat, kolonia, diru-kopuru jakin bat, manikura-kaxa bat, memoria eramangarri bat eta auto baterako argi-sorta bat.
Zantzuak ikusirik, Foruzaingoak Tafallako adin nagusiko bizilagun bat atxilotu zuen. Bitartean, ikertzen ari dira beste bi lagunek ere lapurretekin zerikusirik izan ote duten. Tafallako Polizia Judizialaren Taldeko agenteek hartu dituzte izapideak euren gain.
Zure interesekoa izan daiteke
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.