EAEko herritarren ia % 28k ezagutzen dute koronabirusak kutsatutako norbait
EAEko herritarren % 27,6k ezagutzen dute, "zuzenean eta pertsonalki", koronabirusa duen pertsonaren bat, hemeretzigarren EiTB Focus inkestaren bigarren aleak ondorioztatu duenez. Asteleheneko lehen parteak egin zuen bezala, COVID-19 gaitzak Euskadin eta mundu osoan sortutako krisia izan du hizpide inkestak; horren arabera, euskal herritarren % 41ek uste dute krisiak 1-2 hilabete iraungo duela, baina ia % 40ren iritziz baliteke 3 hilabete edo gehiago irautea.
Lehen partean, hemeretzigarren EiTB Focus inkestak argi utzi zuenez, euskal herritarrek uste dute koronabirusak gogor joko duela ekonomia; hala uste zuten inkestatuen % 90ek baino gehiagok Euskadiko ekonomiari dagokionez, eta % 95ek baino gehiagok Espainiari eta munduari dagokienez. Alarma-egoeraren bigarren astean egin zuten inkesta.
EiTB Taldearen makroinkestak oraingoan agerian utzi du euskal herritarren % 27,6k ezagutzen dutela, zuzenean, COVID-19 gaitza duen edo izan duen pertsonaren bat. % 71k, aldiz, ez du koronabirusak jotako inor ezagutzen.
Koronabirusaren krisiaren iraupenaz galdetuta, herritarren % 41,5ek uste dute 1-2 hilabete iraungo duela; % 21en iritziz, krisiak 2-3 hilabete iraungo du; inkestatuen % 18k, baina, 3 hilabetetik gora iraungo duela esan dute.
Herritarren % 53,4ren ustez, krisi honek ez du aldaketarik ekarriko kontsumo-ohituretan (adibidez, kontsumo jasangarriaren aldeko apustua egiteko); % 39,4k, aldiz, baietz pentsatzen dute.
Inkestatuen ia % 10ek aitortu dute erosketak egitera joan direla alarma-egoeran, nahiz eta premiazko beharrik ez izan, arnasa hartzeko.
Testuinguru horretan, EAEko herritarren ia % 30ek adierazi dute ezagutzen dutela auzoan konfinamendua betetzen ari ez den inor. % 64,3k, alabaina, erantzun dute ez dutela ezagutzen horrelakorik.
Erositako elikagaien kopurua eta Interneten bidezko erosketak
EAEko herritarren % 72,9k ez dute ohi baino elikagai gehiago erosi konfinamendua hasi zenetik. % 27k, berriz, bai egin dute; nabarmentzekoa da 18 eta 35 urte arteko gazteen % 34,2k aitortu dutela normalean baino elikagai gehiago bildu dituztela, baina 65 urtetik gorakoen artean % 15,3k egin dute, horien esanetan.
Internet bidez erosketak egin dituzten galdetuta, euskal herritarren % 79,4k zehaztu dute ez dutela sarean erosketa gehiago egin krisia hasi zenetik.
Fitxa teknikoa
Gizakerrek EiTBren informazio-zerbitzuetarako egindako inkesta EAEn bizi diren 600 pertsona elkarrizketatuta egin da (Arabako 200, Bizkaiko 200 eta Gipuzkoako 200)
La= ±% 2,83, konfiantza-maila % 95, p=q=0´5, EAEko datuetarako.
Inkesten % 24,5 euskaraz egin dira, eta gainerako % 75,5a, gaztelaniaz. Inkesta hori egiteko hautatutako udalen populazio-tamainagatik haztatutako erabateko emaitzak dira.
Landa-lana 2020ko martxoaren 24an eta 25ean egin zuten, elkarrizketak telefonoz eginez. Galdeketen batez besteko iraupena 6,66 minutukoa izan zen: motzenak 4 minutu iraun zuen, eta luzeenak, 13 minutu.
Zure interesekoa izan daiteke
Itsasadarrak gainezka egin du Zorrotzaurren, marea biziak direla eta
Bilboko itsasadarrak gainezka egin du berriro ere ostegun honetan Zorrotzaurreko zenbait tokitan, marea biziak direla eta. Euskalmeten abisu horiak, itsasaldeko arriskuagatik, larunbatera arte iraungo du.
Forondak Madrilekin eta Bartzelonarekin lotzen dituen hegaldiak estreinatu ditu
Astean lau izango dira Gasteiz eta bi hirien artean, baina aldi baterako astean bi izango dira urtarrilean.
Euskaltzaletasunaren giharra indartu, euskararen pizkunde berri bat abiarazteko
“Euskaltzaleon garaia da” izenburuko adierazpena aurkezteko agerraldia egin du Euskalgintzaren Kontseiluak, Arantzazuko Santutegian. Euskararen pizkunde berri baterako abiapuntua jarri nahi da, eta horretarako, abenduaren 27an Bilbao Arena milaka euskaltzalez betetzeko deia egin dute berriro.
Gripe kasuen kopurua "murrizten" ari da Bizkaian, txertaketari esker
Azken datuen arabera, 417.744 pertsonak jarri dute arnas-gaixotasun horren aurkako txertoa EAEn, iaz baino % 11 gehiago.
EAEko udalekuek euren jarduerari buruzko "erantzukizunpeko adierazpena" sinatu beharko dute
Bernedon gertatutakoaren ondotik, Eusko Jaurlaritza, hiru aldundiak eta EUDEL udalekuei buruzko protokolo berri bat ari dira lantzen.
Hegazti-gripeari aurre hartzeko neurri prebentiboak agindu ditu Espainiako Gobernuak
Arrisku- eta zaintza-eremu zehatzetan etxeko eta haztegietako hegaztiei eragingo dieten neurriak indarrean sartuko dira azaroaren 10etik aurrera. Horrelako eremuak daude Arabako eta Nafarroako zenbait udalerritan. Nolanahi ere, Europatik datorren birusaren aurrean arretaz eta arduraz jardutea eskatu dute agintariek, kutsatzeek eta birusaren hedapenak ekar ditzaketen kalteak saihesteko.
Vuelingek kalte-ordaina eman beharko dio esklerosia duen emakume bati, motoa hegazkinera sartzen ez uzteagatik
2021ean gertatu zen, Sevilla-Bilbo hegaldi batean. Salaketa jarri zuen emakumeak mugikortasun arazoak ditu, esklerosi anizkoitzak eragindakoak. Motoa behar du bidaiatzeko.
Zer protokolo aktibatzen dira ikastetxe batek jazarpen kasu bat egon daitekeela susmatzen duenean?
522 ikasle eskola-jazarpenaren biktima izan ziren joan den ikasturtean EAEn. Zenbakien atzean atzean ikasleen bizipenak daude; beldurra eta isiltasuna protagonista. Ikastetxeetan geroz eta sentsibilizazio handiagoa dago, eta kasuak goiz atzematea oso lagungarria da.
Iaz eskoletan abiatutako 2.263 protokoloetatik 522 eskola jazarpen kasuak izan zirela baieztatu du Hezkuntza Sailak
2024-25 ikasturtean aurrekoetan baino eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.