Konfinamendua tirabirak sortzen ari da EAEko herritarren % 17,7ren etxeetan
Koronabirusaren krisiagatik agindutako alarma-egoeraren testuinguruan Espainiako Gobernuak ezarri duen konfinamendua familia-tirabirak sortzen ari da EAEko herritarren % 17,7ren etxeetan, hemeretzigarren EiTB Focusen hirugarren zatiaren arabera. Asteazken honetan argitaratutako emaitzek ondorioztatzen dutenez, halaber, krisi-egoera hau egiten ari da gizartea solidarioagoa izatea (inkestatuen % 80k hala uste dute), eta arduratsuagoa (% 82ren esanetan). norbait.Hemeretzigarren EiTB Focusek koronabirusaren krisia izan du hizpide, eta emaitzak aste honetan eman dituzte jakitera.
Astelehenean, lehen zatian, EiTB Taldearen makroinkestak argi utzi zuen herritarrek uste dutela COVID-19 gaitzaren eragin ekonomikoa gogorra izango dela; asteartean, bigarren zatiak ondorioztatu zuen EAEko herritarren % 28k ezagutzen dutela koronabirusak kutsatutako norbait.
Hirugarren zatian, hemeretzigarren EiTB Focusek adierazten du konfinamendua Euskal Autonomia Erkidegoko herritarren % 17,7ren etxeetan sortzen ari dela tirabirak. Nabarmentzekoa da 18 eta 35 urte bitarteko gazteek bereziki nabaritu dituztela tirabira horiek, gainerako herritarrek baino gehiago; izan ere, horietako % 35,6k esan dute bizi izan dituztela, azken egunetan.
Inkestatuen % 36,7ren esanetan, familia-harremana indartuta irtengo da konfinamendua amaitzen denean; % 57,4ren iritziz, aldiz, krisia hasi aurretik zegoen bezala jarraituko du harreman horrek. Herritarren % 1,4k soilik uste dute okerrera egingo duela.
EAEko herritarrek 7,01eko nota jarri diote egungo euren gogo-aldarteari. Aro honetan, 0tik 10era, inkestatuek gehien aukeratu duten nota 7 da (% 31,3); % 24,4k 8 hautatu dute gogo-aldarteari dagokionez nola dauden adierazteko.
Gizarte solidarioagoa eta arduratsuagoa
Koronabirusaren krisiaren ondorioz, solidarioagoak eta arduratsuagoak ari gara izaten; hala diote, hurrenez hurren, inkestan parte hartu duten herritarren % 80k eta % 82k.
Herritarren % 60 telebista ari dira erabiltzen krisi honetan azken orduko albisteen berri jasotzeko. Irratia eta Internet, web orrien bidez, zerrenda horretako bigarren eta hirugarren tokietan daude; herritarren % 11k baliatzen dituzte, bi kasuetan.
% 85en iritziz, koronabirusarekin lotutako albiste faltsuak ('fake news') bultzatzen dituzten herritarrek zigorra jaso beharko lukete.
Fitxa teknikoa
Gizakerrek EiTBren informazio-zerbitzuetarako egindako inkesta EAEn bizi diren 600 pertsona elkarrizketatuta egin da (Arabako 200, Bizkaiko 200 eta Gipuzkoako 200)
La= ±% 2,83, konfiantza-maila % 95, p=q=0´5, EAEko datuetarako.
Inkesten % 24,5 euskaraz egin dira, eta gainerako % 75,5a, gaztelaniaz. Inkesta hori egiteko hautatutako udalen populazio-tamainagatik haztatutako erabateko emaitzak dira.
Landa-lana 2020ko martxoaren 24an eta 25ean egin zuten, elkarrizketak telefonoz eginez. Galdeketen batez besteko iraupena 6,66 minutukoa izan zen: motzenak 4 minutu iraun zuen, eta luzeenak, 13 minutu.
Zure interesekoa izan daiteke
Barakaldoko 54 urteko emakumearen heriotza hilketa matxista izan dela baieztatu dute
27 urteko gizon bat atxilotu dute ustezko hiltzaile gisa. Agintariek hilketa gaitzetsi eta elkarretaratzea deitu dute biharko: 12:00etan, Barakaldoko Herriko Plazan. Argitan talde feministak, bestalde, beste bilkura bat deitu du astearterako, 19:00etan Bide Onera plazan.
Auto baten gidaria hil da GI-636 errepidean, Lezon, kamioi batekin aurrez aurre talka eginda
Errepidea itxita egon da bi noranzkoetan larrialdi zerbitzuak lanean aritu direnean eta errepidea garbitzeko lanek iraun duten bitartean. 17:45ak aldera zabaldu dute eta egoera normaltasunera itzuli da.
Olentzerok eta Mari Domingik ilusioz beteko dituzte Bilboko kaleak astearte honetan
Kalejira 17:30ean hasiko da Moyua plazatik eta Kale Nagusia zeharkatuko du Arriaga Antzokiraino. Bertan, ikuskizuna, tailerrak eta Euskal Herriko Gabonetako pertsonaiarik maitatuenen bisita izango dira.
2026ko txertaketa egutegia eguneratu du Osasun Sailak, helduentzat arnas birus sintzitialaren aurkako txertoa sartuz
34,5 milioi euro bideratuko ditu Eusko Jaurlaritzako Osasun Sailak txertoetara 2026an, Euskadiko Txertoen Aholku Batzordearen gomendioak aintzat hartu, eta txerto berriak sartuz heldu zein haurren egutegietan, herritarren immunitatea indartzen jarraitzeko.
Abadiñoko bizilagunak, hunkituta, sari nagusiko dezimoak kultur elkarte bati esker eskuratu dituzte eta
79432 zenbakiari egokitu zaio Gabonetako Loteriaren zozketa bereziaren sari nagusia, seriko lau milioi euroko saria dakar (dezimo bakoitzeko 400.000 euro).
Bimba y Lola saltokiko langileei bigarren saria egokitu zaie
Bigarren sariak (70.048) zoriona banatu du Bilboko eta Donostiako Bimba y Lola moda kateko saltzaileen artean, zenbaki horrekin jokatzen baitzuen enpresak. 125.000 euro jasoko dituzte dezimo bakoitzeko.
Lau bosgarren sarik (23112, 60649, 77715 eta 41716) 400.000 eurotik gora utzi dituzte Euskal Herrian
Lehenak, 23112ak, 180.000 euro banatu ditu Usurbilgo Urbil merkataritza-gunean eta Bilbon. 60649aren serie bat Gasteizen, Leclerc saltokian, jausi da, eta 41716ren beste bat, Donostian . 77715 zenbakia oso banatua egon da eta Iruñean, Bilbon eta Leioan jausi da.
Igorreko errugbi taldeak 14 milioi banatu ditu hirugarren sariarekin (90693)
Hirugarren saria (90.693) oso txoko askotan banatu da. Zenbakia toki askotan saldu da. Igorren, adibidez, 14 milioi euro baino gehiago utzi ditu. Arratiko Zekorrak errugbi taldeak eskuratu zituen saritutako hirugarren zenbaki horretako serie guztiak.
Honela ospatu dute Leioan Gabonetako Loteriaren laugarren eta bosgarren sariak
Leioako Artea merkataritza-gunean 2025eko Gabonetako Loteriaren zozketa bereziko bi sari banatu dituzte, zehazki, laugarren sari bat (78477) eta bosgarren bat (77715).
2025eko Gabonetako Loteriaren hirugarren sariak (90693) 14 milioi euro banatu ditu Igorren
Kasu horretan, irabazle bakoitzak 50.000 euro jasoko ditu dezimoko (500.000 euro serieko), baina % 20 Zerga Agentziara bideratu behar da, eta, beraz, dezimo bat dutenek 48.000 euro inguru jasoko dituzte.