Hiru adituk ikerketa abiatu dute Zaldibarko luiziaren kausak argitzeko
Eusko Jaurlaritzako Ingurumen Sailak peritu txosten bat eskatu dio hiru adituz osatutako ikertzaile talde bati, Zaldibarko zabortegian, Verter Recycling enpresaren jabetzakoa, izandako luiziaren arrazoiak zehazteko.
Adituen taldea Eduardo Alonso Perez de Agreda, Bartzelonako Unibertsitate Politeknikoko katedraduna; Cesar Sagaseta, Bideetako ingeniari doktorea eta Kantabriako Unibertsitateko irakasle emeritua; eta Jorge Cañizal, Bideetako ingeniari doktorea eta Kantabriako Unibertsitateko Lurraren Ingeniaritzako irakasle titularra, osatzen dute.
Informazioa aztertzeaz arduratuko den teknikari talde bat lagunduko die.
Adituak joan den martxoaren 17tik ari dira peritu ikerketan lan egiten, luizi aurreko informaziotik abiatuta eta lur-jausia izan aurreko hiru dimentsioko eta topografiako eredutik abiatutako metodo bati jarraituz. Metodo horrek ezbeharraren kausak argitzen lagunduko du.
Era berean, adituen taldea informazio historiko guztia aztertzen ari da, urtean isuritako eta bere gaitasun geometrikoaren arabera bereizitako hondakinen kopuruak zehaztuz. Gainera, laborategian ere hainbat saiakuntza egingo dituzte.
Datu guztiekin, adituek peritu txosten bat egingo dute, eta bertan zabortegiko luiziaren arrazoiak adieraziko dituzte.
Ingurumen Sailburuordetzak txosten horren berri eman dio Durangoko Epaitegiari, erakundeak baitu zabortegiko luiziaren lan-agintaritza eta eginbide judizialak.
Elena Moreno Ingurumen sailburuordeak nabarmendu duenez, "desagertutako pertsonen bilaketak duen garrantziaz gain eta ezbeharrak eragindako arriskuez aparte, luiziaren zergatiak zehazteko unea zela pentsatu dugu'.
Aukeratutako aditu taldea "goi mailakoa da, eta zergatiak zeintzuk izan ziren jakiten lagunduko digute, horrelako egoerarik gehiago gerta ez dadin".
Zure interesekoa izan daiteke
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.
Non eta nola kontsultatu trafikoaren egoera? Telefonoak, webguneak eta informazio kanal guztiak
Errepideen egoeraren berri izatea funtsezkoa da istripuak saihesteko eta gure ibilbidea modu seguruan eta ezustekorik gabe egin ahal izateko. Informazio iturri nagusiak bildu ditugu, Euskal Herrian zein atzerrira bidaiatu behar baduzu.