Balkoi eta leihoetan ospatuko dute Gasteizen eta Amurrion San Prudentzioko danborrada
Gasteiz Batera Herri Zainketen Sareak apirilaren 27an, San Prudentzio Arabako patroiaren egunaren bezperan, balkoi zein leihoetan danborrada bat antolatzea erabaki du, izan ere, koronabirusaren pandemia dela-eta ospakizun ofizialak bertan behera geratu dira.
Danborrada eta lurralde historikoaren patroiaren omenezko gainerako ekitaldiak bertan behera geratu direnez, Baterak, COVID-19aren aurrean ahulenak diren kolektiboak laguntzen dituen sare herritarrak, San Prudentzioren ospakizun alternatibo bat egiteko asmoa adierazi du, betiere, konfinamendu neurriak errespetatuz.
Hala, kolektiboak apirilaren 27ko 20:30ean balkoietatik danborrada herrikoia egitea proposatu die gasteiztarrei, ohar baten bidez jakinarazi dutenez.
Ekimen honek Leire Betolazaren parte-hartzea izango du, zeina ekitaldi ofiziala bertan behera utzi aurretik San Prudentzio jaietako danborradako zuzendari izendatu zuten.
Dagoeneko 3.000 lagun inguru biltzen dituen Batera sareak hilaren 27ko ospakizuna prestatzeko entseguak eta tailerrak antolatuko dituela jakinarazi du.
Amurrioko danborrada
Amurrioko Udalak ere balkoi eta leihoetan ospatuko du San Prudentzioren omenezko danborrada tradizionala.
Ekimena Fanfarre Tabarrak eta Amurrioko danborradak bultzatuko dute, eta, ohi bezala, apirilaren 27an, San Prudentzio bezperan, ospatuko da, 20:05ean. Modu berean, egunero 20:00etan osasun-langileen omenez egiten diren txaloak errespetatuko dira.
Danborradaren emaitza ahalik eta onenena izan dadin, asteartetik aurrera entseguak egingo dira balkoietan 19:45ean (20:00etan amaituko dira) eta Retreta zein Diana abestien partiturak eta audioak udal webgunetik jaitsi ahal izango dira.
Herritar guztiak, haur eta gazteak bereziki, entseguetan eta danborradan parte hartzera animatu nahi ditu Udalak, "instrumentu baten funtzioa egin lezakeen edozein danbor edo objekturekin".
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.