Osakidetzak kutsatzeen hedapen maila neurtzeko bi plan abiatu ditu gaur
Osakidetzak laginketa prozesua hasiko du gaur, astelehena, Estatu mailan Carlos III.a Institutuak egingo duen seroprebalentzia ikerketa egiteko. Horrekin batera, euskal osasun sistemak beste ikerketa bat abiatu du, galbahetze selektiboko plana, gaixotasunak eragin handiena izan duen momentuetan COVID-19aren sintomak agertu baina probarik egin ez zituztenen artean.
Bigarren proba hau 08:00etan hasi dute. Bilbon, Zazpikaleetako eta San Inazioko zentroetan egingo dute; Gasteizen, Lakua-Arriagakoan; eta Arrasaten, osasun zentroan.
Nekane Murga Eusko Jaurlaritzako Osasun sailburuak COVID-19aren datuen berri emateko ostegunean egindako agerraldi telematikoan azaldu zuenez, bi ikerketak aldi berean egingo dituzte eta kutsatzeen "benetako dimentsioa" ezagutzeko balioko dute. Halaber, pandemiari "modu eraginkor eta seguruan" aurre egiteko neurriak hartzea erraztuko du.
Horrela, Osakidetzak gaur bertan hasiko du laginketa prozesua herritar guztiei zuzendutako seroprebalentziaren ikerketan, aurkeztutako 5.000 boluntarioen artean.
Murgak azaldu zuenez, ikerketa horretan aukeratutako etxebizitzetan bizi diren herritarrek parte hartuko dute, eta inkesta bat eta analisi azkar bat egingo dizkiete. Horrekin batera, odol laginak hartuko diete osasun zentroetan. Prozesua hiru aldiz egingo dute datozen asteetan.
Galbahetze selektiboa
Astelehenean, galbahetze selektiborako plana ere abiatu dute pandemiaren momenturik larrienean COVID-19arekin bateragarriak izan zitezkeen arnasa hartzeko zailtasunak izan zituzten herritarrekin. Ikerketan parte hartuko duten herritar horiei ez zitzaien testik egin, baina balizko kasuak balira bezala sailkatu zituzten.
Lehen fase batean, 4.147 herritarri egingo dizkiete probak, gaixotasuna horietariko zenbatek izan duten jakin eta immunizatuta dauden ikusteko. Serologia testa egingo diete.
Osasun Batzordea asteazkenean hasi zen boluntarioei hitzorduak ematen gaurtik aurrera dagokien osasun zentroetan odol laginak hartu ahal izateko.
Programan parte hartu dutenek (dagoeneko PCR proba bat egin zaienek eta une honetan gaixotasunaren sintomak dituztenek ez dute parte hartu) gutxienez duela 40 egun diagnostikatu behar izan dituzte.
Bi ekimen horien helburua COVID-19aren aurkako antigorputzak garatu dituzten biztanleen ehunekoa ezagutzea da. Informazio horrek pandemiaren bilakaera ulertzea erraztuko du, eta garrantzitsua izango da osasun publikoko erabakiak hartzeko.
Zure interesekoa izan daiteke
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Tenperatura altuek gorabeherak eragin dituzte
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.