EAEko herritarrek haurren lehen irteeran "ondo jokatu" dutela azaldu du Murgak
Nekane Murga Osasun sailburuak adierazi du EAEko herritarrek "ondo jokatu" dutela haurrak kalera atera diren lehen egunean, eta gurasoei nabarmendu die adingabeak "urruntasunean hezi" behar direla.
COVID-19aren bilakaerari buruzko azken datuak ezagutzera emateko prentsaurreko telematikoan, Nekane Murgak haurrek igandean konfinamendua arintzeko egin duten lehen irteerari buruz hitz egin du.
Haurren irteera baimentzen duen neurria Iñigo Urkullu lehendakariak proposatu zuela gogorarazi ostean, "funtsean" neurri hori "osasunean oinarritzen" dela adierazi du. "Gure haurrek, hazten ari direnez, jarduera fisikoak eta psikologikoak behar dituzte, eta, pandemiaren fase honetan, mota horretako jarduerak egiten hastea beharrezkoa zen", azaldu du.
Haurrak kalera ateratzea "beharrezkoa eta osasun beharrei erabat lotua" dagoela nabarmendu du. Gainera, onartu du jende pilaketak islatzen zituzten "leku zehatzetako irudiak atera direla". Halere, "balorazio orokorra herritarrek ondo jokatu dutela eta arauak mantendu dituztela da; gurasoak seme-alabei urruntzearen garrantzia erakusten ari dira".
Murgak adierazi duenez, "atzoko eguna zirraragarria izan zen haur askorentzat, baita familientzat ere", eta, "ziurrenik, haurrak higienea mantentzera eta eskuak garbitzea bezalako ohituretara moldatuta zeuden", nabarmendu du. "Orain, urruntasunean hezteko unea iritsi da, eta horretan ari dira familia guztiak, beraiekin bizi diren seme-alabek gaixotasuna ez hartzeko interesa duten lehenak baitira".
Hortaz, osasunaren ikuspegitik egindako balorazioa "ona" dela berretsi du, eta "guraso guztiei" gonbita egin die "euren seme-alabak eskuetako higienean hezten jarraitzeko, baita urruntasunean ere; izan ere, bereziki zaila da gazteenentzat, baina beharrezko neurria da".
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.