Nazioarteko turismoa bultzatzeko plana aurkeztuko du gaur Bruselak
COVID-19 gaitzak osasun arloan eragindako krisiaren ostean, Europar Batasuneko estatu kideei turismoa suspertzen laguntzeko eta konfinamenduaren irteera mailakatuan estrategia koordinatua bultzatzeko helburua duen protokolo-sorta aurkeztuko du gaur, asteazkena, Europako Batzordeak. Estrategia hori berehala abiatu nahi du Bruselak, eta udan barne-mugak pixkanaka ireki.
Hasierako deskoordinazioaren ostean, normaltasuna berreskuratzeko bidean ikuspegi bateratua bultzatzeko plan bat da, turismoa berrabiaraztea lehentasun duela. Hain zuzen, toki turistiko eta hotel nagusietarako osasun- eta segurtasun-protokoloak, garraio-zerbitzuetarako gidak eta herrialdeen arteko koordinazio hobea izango ditu oinarrian plan horrek. Azken asteotan, europarrek "uda honetatik aurrera" berriro bidaiatzen hasteko aukera izateko itxaropena agertu dute hainbat komisariok.
Testuinguru horretan, Europako Batzordearen protokolo-sortak "hiru fase izango ditu ardatz", eta birusak eragin gutxiago duen herrialdeetan neurriak arintzea lehenesten du, betiere ateak zabaldu nahi dituzten bi estatuak "antzeko egoeran badaude" eta egoera epidemiologikoari buruzko "informazioa unean-unean" emateko gai badira, Europa Press albiste-agentziak eskura izan duen zirriborro baten arabera.
Idatzi horretan, Europako Batzordeak ohartarazi du herrialdeen arteko koordinazioa eta osasun arloko ikuspegi bateratua "funtsezkoa" izango dela turisten konfiantza berreskuratzeko eta europarrek "uda honetatik aurrera bidaiatzeko aukera izateko".
Kontuan hartu beharreko beste irizpide batzuk dira osasun-zerbitzuek kasu berriak artatzeko duten gaitasuna, baita balizko gorakada bat aurreikusteko eta kontrolatzeko duten gaitasuna ere, Batzordearen iritziz. Alabaina, Bruselak ez du eskumenik osasun-arloan, ezta mugen kudeaketan ere, estatu kideen eskumenak direlako. Ondorioz, herrialdeei emandako irizpideak ez dira lotesleak izango.
Halaber, Europako Batzordeak bidaiarien eskubideei eta airelineek krisialdi honetan baliogabetutako hegaldiak konpentsatzeko bidaia-kupoiak eskaintzeko dituzten aukerei buruz aholkuak ematea espero da.
Hainbat airelineak kontsumitzaileak babesten dituzten arauak behin-behinean malgutzeko eskatu dute, eta bidaia-kupoi horien ordez dirua itzultzeko eskubidea eman nahi diete, baina aukera hori borondatezkoa baino ezin dela izan erantzun du Bruselak orain arte, eta konpainiei dagokiela erabiltzaileentzat eskaintza "erakargarriagoak" egitea.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.