23 urteko preso bat hilda agertu da Zaballako espetxean
23 urteko preso gazte bat, L.F.B.C., hilda agertu zen uztailaren 17an, ostiralean, Zaballako espetxeko zelda batean. Arabako bizilaguna zen eta lau urte inguru zeramatzan preso.
Salhaketa-Araba elkartearen arabera, "ekidin" zitekeen tragedia bat da, eta espetxean hil diren pertsonen "zifra makabroak" loditzen ditu. Era berean, "espetxeko erakundeek jakinarazi ez duten egitate bat" dela adierazi dute.
Heriotza horiek ezkutatzeko "sistematika politikoa" salatu du elkarteak, batez ere, "covid-19aren epidemiaren ondorioz suertatutakoak". Salhaketa-Arabaren aburuz, ez da inolako informazio publikorik ematen, heriotza ez-naturalen aurreko zigorgabetasun-estrategiaren barruan; bitartean, erakunde publiko horietan gazteen bizitzarekin amaitzen ari dira, kontuan izanda osasunerako eta bizitzarako eskubidea haien mende baino ez dagoela.
Elkartearen arabera, agintari politiko eta judizial eskudunen esku dago heriotza horien inguruabarrak argitzea. Salhaketa-Arabak adierazi du, egoera hau onartezina dela, batez ere, heriotza gehienak ekidin daitezkeelako, indarrean dagoen legeria zorrotz aplikatuz.
Elkartearen aldetik, heriotza horiekin amaitzeko neurri zehatzak eskatzen dituzte: hasteko, "Ministerio Fiskalari dagokionez, heriotzak ikerketatik ez urruntzea", horien arrazoiak argitzeko. "Gertakari horietatik eratortzen diren erantzukizun politikoak, administratiboak eta penalak argitzea" da elkarteak eskatu duena.
Espetxeetako zuzendaritzek familiei inpartzialtasunez informazioa ematea ere eskatu dute, "heriotzen inguruabarrak argitzen dituzten autopsiak ez saihesteko".
Bestetik, "familiei beharrezko laguntza guztiak ematea" aldarrikatu dute eta erantzukizun zibil eta penalak eskatu dituzte, justizia-administrazioaren funtzionamendu okerretik eratortzen direnean. Eta espetxeko biktimei eman beharreko laguntza psikosoziala ere aldarrikatu dute, gainerakoei bezala, "senide baten heriotza eragiten duen shockaren aurrean laguntzeko".
Halaber, "prozesu-fasean ordezteko eta betearazpen-fasean kondena baldintzapean eteteko neurriak garatzea"exijitu du elkarteak, espetxeen barruan eta, batez ere, kanpoan, droga-mendekotasunak gainditzeko programak betetzeagatik, esaterako, eta legeak aurreikusten duen bezala, gaixotasun larriak dituzten presoak berehala askatzea, bereziki fase terminalean daudenak.
Modu berean, "zigor eta espetxe-arloko legediaren berehalako erreformak" eskatu dituzte; kondenak beharrik gabe luzatzen dituztela uste dute, eta irteteko baimenak mugatzen dituztela kritikatu dute, hala nola, hirugarren gradua eta baldintzapeko askatasuna eskuratzeko aukera.
Amaitzeko, "presoen kopurua murriztea aldarrikatu" dute, egungo "masifikazioa saihesteko".
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.