EAEn hildakoen batez besteko adina 80,8ra igo zen 2019an
EAEn 2019n hildakoen batez besteko adina 80,8koa izan zen, hamarkada bat lehenago baino hiru urte gehiago, eta ohikoa den legez, emakumezkoak zaharrago hiltzen dira (84,2) gizonak (77,4) baino.
Eustat Euskal Estatistika Erakundeak astelehen honetan jakinarazi duenez, 2019an 21.560 pertsona hil ziren EAEn, hau da, 2018an baino % 0,9 gutxiago.
10.756 gizon eta 10.804 emakume hil ziren, eta urtarrilean zenbatu ziren heriotza gehien; ekainean eta irailean, berriz, gutxien (1.578).
Inkestaren datu nabarmenetako bat da duela hamar urte hildakoen batez besteko adina 77,7 urtekoa zela, eta 2019an, berriz, 80,8 urtekoa; hau da, 3,1 urteko igoera izan da azken hamarkadan. Nahiz eta gizonak zertxobait gazteago hil (77,4) azken 10 urteetan, batez besteko hori 3,2 urte igo da, eta emakumeena 2,7, orain batez beste 84,2 izatera iritsi arte.
Haurren heriotza-tasari dagokionez, urtebete baino gutxiagoko 43 haur hil ziren, gehienak (32) bizitzako lehen 28 egunetan. Gainera, iaz 100 urte edo gehiago zituzten 378 pertsona hil ziren eta horietatik % 81,2 emakumeak ziren.
Estatistikaren beste datu garrantzitsu bat da hazkunde begetatiboa negatiboa izan zela Euskadin, jaiotzak baino 6.142 heriotza gehiago izan baitziren. Lurraldeka, Bizkaian 4.241 biztanle gutxiago daude, Gipuzkoan 1.729 eta Araban 172 gutxiago.
Heriotzen arrazoiei dagokienez, ia heren bat tumoreek eragin zituzten, 6.309 heriotza zehazki (guztien % 29,3). Ondoren, zirkulazio-sistemako gaixotasunak, % 26,1 (5.620 heriotza); arnasketa-gaixotasunak (% 10), eta, azkenik, buruko eta portaerako nahasmenduak (% 7,8).
Heriotzen arrazoiak desberdina izaten jarraitzen dute sexuaren arabera. Gizonen artean tumoreek zirkulazio-aparatuko gaixotasunak gainditu zituzten; emakumeen artean, berriz, kausa nagusia gaixotasun kardiobaskularrak izan ziren, eta bigarrena, tumoreak.
Buruko eta portaerako nahasmenduek eragindako heriotzen artean, emakumeen ehunekoa handiagoa da.
Zure interesekoa izan daiteke
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.