Astebete beranduago irekiko dute eskola Amezketan, positibo bategatik
Irailaren 7an hastekoa da 2020-2021 ikasturtea Euskal Autonomia Erkidegoan, baina Amezketan, irailaren 14ean irekiko ditu ateak Zumadi eskolak.
Astebetez atzeratu dute ikasturtearen hasiera, herriko eskolako klaustrokide batek positibo eman ondoren. Eskolako gainerako irakasleek ostiralean egin zituzten PCR probak eta irailaren 11ra arte etxean isolatuta egon beharko dute.
Gauzak horrela, Gipuzkoako lurralde ordezkaritzarekin eta prebentzio arduradunekin adostuta, 2020-2021 ikasturtea astebetez atzeratzea erabaki dute. "Momentu honetan daukagun egoera kontuan hartuta irtenbide egokiena ikasturtearen hasiera atzeratzea dela iruditu zaigu", esan dute eskolako arduradunek.
Bestalde, eskola eta herriko kaleak desinfektatzea agindu du Iñaki Amundarain Amezketako alkateak, gogoratu duenez, eskolaren mantenua Udalari dagokiolako. Hori dela eta, joan den astelehenean alkateak eskolako zuzendaritzarekin egindako bileran adostu zuten garbiketa areagotzeko neurriak ezartzea eta Hezkuntza Sailaren protokoloak betetzea.
Zure interesekoa izan daiteke
Auzitegi Nazionalak Flotillako kideak torturatzeagatik ere ikertuko ditu militar israeldarrak
Euskal Hirigune Elkargoa ikertzen ari dira ur zikinak itsasora isurtzeagatik
Alzheimerra geldiarazteko gai diren bi botikak gizarte segurantzan sartzeko galdegin dute neurologo eta elkarteek
Aita Mennik lehen hiru solairuak ireki ditu berriro, hildako bat eta 18 zauritu eragin dituen sutearen ondoren
Pertsona bat atxilotu dute Ceuta Ya!-ko diputatuaren autoaren aurkako erasoagatik
Ikastetxeetan pantailak nola erabili aztertzen ari direla aitortu du Pedrosak
Poliziak airera tiro egin du Ceutan, "Negu Gorriak/Derecho a Techo" elkarte nafarraren etorreraren aurkako protestan
Klinika bateko erabiltzaile bat atxilotu dute, hildako bat eta 18 zauritu eragin dituen sutea piztea egotzita
AP-8aren Zarauzko irteera itxita egongo da astelehen gauean, Irungo noranzkoan, lanak tarteko
