Jaurlaritzaren ustez, baliteke COVID-19aren bigarren olatuaren okerrena pasatu izana
Eusko Jaurlaritzak uste du, pandemiak azken asteotan duen joera ikusita, baliteke COVID-19aren bigarren oldeak beheranzko joera hartzea aurrerantzean EAEn.
Ignacio Garitano Osasun Saileko eta Osakidetzako Zaintza eta Kontrol Programaren koordinatzaileak agerraldia egin du astelehen honetan EAEko egoera epidemiologikoa aztertzeko, COVID-19aren harira. Gaur 387 kutsatze berri jakinarazi dituzte, eta egindako PCR proben % 5 inguru izan dira positiboak.
Garitanok esan du pandemia egonkortu egin dela EAEn, non "foku garrantzitsurik" ez dagoen identifikatuta. Hori "oso albiste ona" dela eta, "oso pozik" agertu da, kutsatze datuek eta ospitaleetako egoerak izan duten bilakaerarekin.
Onartu du zuhurrak izan behar direla eta datozen asteetako datuak ikusi behar direla bigarren olatuaren muga gainditu dela baieztatzeko, baina ohartarazi du zenbait arrisku daudela, hala nola autobabeserako neurriak erlaxatzea lanpostuetako atsedenaldietan, "gremio guztietan".
Ildo horretan, jakinarazi du Gasteizen baheketa bat egiten ari direla enpresa batean, "kasu positibo batzuk" antzeman dituztelako, baina ez du datu gehiagorik eman.
Eskolak
Hezkuntza arloa ere izan du hizpide Osasun Saileko Zaintza eta Kontrol Programako koordinatzaileak, eta aitortu du joan den aste honetan bi ikastetxetan antzeman dutela lehen aldiz eskola berean ikasle positibo bat baino gehiago egon dela.
Azaldu duenez, kutsatzea ikastetxe barruan gerta zitekeen, baina baita kanpoan ere, ikasle horietako asko "ikastetxetik irtetean ere harreman estuan" daudelako.
"Kutsatzea ikastetxe barruan edo kanpoan gertatu den zehazten duen frogarik ez dago", esan du Garitanok, eta gaineratu du osasun agintarien ustez ikastetxeak "oso inguru segurua" direla birusaren transmisioari dagokionez.
4.348 ikasle isolatuta
Igande honetara arte, 4.348 ikasle zeuden isolatuta EAEn, hau da, 0 eta 18 urte bitarteko ikasleen % 1,16. Hala ere, ikasle horietako batzuk isolatu zituzten lehenetakoak dira, eta astelehen eta astearte honetan amaituko dute berrogeialdia.
Garitanok adierazi du, oro har, baiezta daitekeela eskolak hasi zirenetik derrigorrezko eskolatzeko adinean dauden haur eta nerabeen artean ez dela kutsatzeen aparteko gorakadarik izan, baina aitortu du datozen asteetara arte itxaron beharko dela.
Miguel de Unamuno egoitza
Bilboko Sarriko auzoko Miguel Unamuno ikasle egoitzaren egoerari dagokionez, ikerketak zabalik jarraitzen duela adierazi du, eta orain arte jakinarazitako 17 positiboez gain, "beste positiboren bat" ere atzeman dutela.
Bertan bizi diren ikasle guztiei PCR probak egingo dizkietela aurreratu du, eta 150 PCR inguru egingo dituztela, EHUrekin elkarlanean.
Zestoa
Zestoari dagokionez, 30 bat kasu agertu ostean autokonfinatutako Gipuzkoako udalerrian, Garitanok jakinarazi du positibo bat gehiago atzeman zutela igande honetan egindako probetan.
Zure interesekoa izan daiteke
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.