EAEko erresidentzietan beste hiru erabiltzaile hil dira azken orduetan
EAEko zahar-etxe sarean beste hiru erabiltzaile hil dira azken orduotan, bana Araba, Bizkai eta Gipuzkoan.
Bizkaiko zahar-etxe bateko egoiliar bat hil da azken orduetan COVID-19aren ondorioz, Bizkaiko Foru Aldundiak astearte honetan jakitera eman duenez.
Ohar batean azaldu duenez, 48 egoiliarrek eman dute positibo koronabirusa atzemateko probetan. Ildo horretatik, egoitza horietako 16 erabiltzaile ospitaleratu dituzte koronabirusaren eraginez, eta COVID-19an positibo eman zuten 1.944 egoiliar dagoeneko sendatu dira; horietako 6 azken orduetan.
Bizkaiko Foru Aldundiak azaldu duenez, gaur egun ondorengo 6 egoitza hauetan daude gaixotutako egoiliarrak: Leioa Laguntza Zentroa (31), Marcelo Gangoiti-Muskiz (6), Aspaldiko-Portugalete (6), Zorrozgoiti-Bilbao (3), Albiz Santiago Llanos-Sestao (1) eta Zuetxe-Bakio (1),
Halaber, zentro horietako 65 langile kutsatu dira, eta gaitza atzemateko probaren emaitzen zain dauden beste 54 langile isolamenduan daude.
Bizkaiko Foru Aldundiak dispositibo berezia jarriko du martxan asteazken honetan Abanto-Zierbenan, Meatzaldeko adinekoen eta desgaitasuna duten pertsonen 13 zentro soziosanitarioetako (egoitza-zentroak eta eguneko arretarako zentroak) profesionalei prebentziozko behaketa egiteko.
Erantzun azkarreko foru taldeak Gallartako frontoian egondo dira, Udalak Foru Aldundiaren esku utzi dituen instalazioetan. Guztira, 434 langile deitu dituzte PCR probak egiteko.
Horrez gain, une honetan 54 egoiliar daude koronabirus bidezko infekzio-kasuak artatzea helburu duen Birjinetxeko unitate soziosanitario espezializatuan. Pertsona horietatik, 31 egoitza-zentroen sareko erabiltzaileak dira, eta 23 zaurtasun-egoeran dauden pertsonak, zeinak koarentenan dauden ospitaleratuta egon ondoren.
Urriaren 12an, Bizkaian adinekoentzako baimendutako 155 egoitzako sarean 10.748 plaza zeuden.
Gipuzkoa
Bergarako (Gipuzkoa) Mizpirualde zentroan bizi zen pertsona nagusi bat hil da azken orduetan positibo eman ostean. Bestalde, adinekoen egoitzetan egiten diren PCR probek ez dute positibo berririk eman.
Gaur egun, bost dira COVID-19aren kasu aktiboak dituzten adinekoen egoitzak: Santa Maria Magdalena Hernanin (8), Jesusen Bihotza Errenterian (3), Alai-Etxe Donostian (23), Mizpirualde Bergaran (13) eta La Paz Donostian (1).
Guztira, 48 kasu aktibo daude adinekoentzako egoitzetako erabiltzaileen artean, 55ek gaixotasuna gainditu dute dagoeneko, eta 33 hil dira abuztuaren 11n bigarren olatuko lehen positiboa atzeman zutenetik.
Gipuzkoako egoitza-sareak 65 zentro eta 5.425 plaza ditu adinekoei arreta emateko, eta Aldundiak lurraldeko zentro guztietan egiten jarraitzen duen prebentzio-lanean, azken astean soilik, 4.626 PCR proba egin ditu DYArekin lankidetzan (2.074 egoiliarrei eta 2.552 langileei). Uztailaz geroztik, Aldundiak eta DYAk guztira 23.874 proba egin dituzte.
Araba
Adinekoentzako Florida Etxea Gasteizko etxebizitza komunitario pribatuaren erabiltzaile bat hil da azken orduetan koronabirusarekin, ospitalean zegoela.
Bestalde, Arabako Foru Aldundiak jakinarazi duenez, Gizarte Ongizaterako Foru Erakundeak Txagorritxuko eguneko zentroa itxi du. Zentro horretako bi erabiltzailek eta beste hainbeste langilek positibo eman zuten, eta horregatik itxi dute.
Gainerako erabiltzaileak, 20 bat, PCR proben zain daude, langile guztiak bezala.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.