Gidari bat zauritu da Bi-637 errepidean, Erandion, bost autok talka eginda

Istripua 07:50 aldera jazo da, eta talka egin duten ibilgailuek errei bateko zirkulazioa oztopatu dute. Hori dela eta, kilometro bat baino gehiagoko auto-ilarak sortu dira.

Auto-ilarak Bi-637 errepidean, Erandion, bost autok talka egin ostean. Argazkia: @trafikoaEJGV

Agentziak | Erredakzioa

2020/10/16 - 11:45

Azken eguneratzea

2020/10/16 - 12:00

Auto gidari bat arin zauritu da ostiral honetan Bi-637 errepidean, Erandio parean (Bizkaia), Barakaldorako noranzkoan, bost autok talka eginda, Eusko Jaurlaritzako Segurtasun Sailak jakitera eman duenez.

Istripua 07:50 aldera jazo da, eta talka egin duten ibilgailuek errei bateko zirkulazioa oztopatu dute. Hori dela eta, kilometro batetik gorako auto-ilarak sortu dira.

Bertaratu diren osasun langileek Gurutzetako Ospitalera eraman dute zauritua, eta garabiek istripuan nahasitako ibilgailuak eraman dituzte, baina errepidean kontuz ibiltzeko eskatu du Segurtasun Sailak.