Frantzisko aita santua, homosexualentzako ezkontza zibilen lege baten alde
Frantzisko aita santua homosexualentzako ezkontza zibilen lege baten alde agertu da lehen aldiz, Evgeny Afineevsky zuzendariaren Francesco dokumentalean. Lana Erromako jaialdian estreinatu da gaur.
“Homosexualek familia batean egoteko eskubidea dute. Ezkontza zibilen lege bat izan behar dute, horrela babes legala izango dute”, adierazten du pontifizeak dokumentaleko esaldi batean.
Lanak bi orduko iraupena du. Pertsona ospetsuei eta aita santuaren adiskideei egindako elkarrizketak, Erromako gotzainaren bidaiak, pontifizeak emandako hitzaldiak, Frantziskok offean eginiko adierazpenak, eta baita kamera aurrean egindakoak ere, uztartzen dira dokumentalean.
“Berarekin bost bat aldiz elkartu naiz, beti bere agendaren arabera, kamera aurrean bi elkarrizketa egin ditugu”, azaldu du dokumentaleko zuzendariak. Ondorioz, ez dago argi Frantziskok noiz egiten dituen adierazpenak. Ezkontza zibilen alde agertzen da aita santua, Elizak ezkontza erlijiosoak errefusatzen dituelako.
Evgeny Afineevsky zuzendaria. Argazkia: EFE
Sexu-abusuak
Juan Carlos Cruz Txileko ekintzailea eta sexu-abusuen biktima elkarrizketatuetako bat da. Abusuak eta homosexualak hizpide dituzte Cruzek eta Frantziskok.
Abusuen gaitzaren inguruan Frantsizkoren bilakaera azpimarratu du dokumentaleko zuzendariak, baita “hanka-sartzeez ikasteko” gaitasuna ere.
Akats horietako bat, aita santuak ondoren onartu duenez, 2018an Txileko apaizen sexu-abusuen biktimak ez sinestea izan zen, eta haserre gainera, frogak eskatu zizkienean. Gutxi geroago, barkamena eskatu zien, eta biktimak Erroman hartu eta Txileko apaizak dimisioa ematera behartu zituen.
“2019ko otsailean abusuen goi-bilera egin eta bi hilabete geroago soilik, aurreneko emaitzak ikusi ziren, salatzera behartzeko Vatikanoko lege berria, eta gutxi geroago sekretu pontifikala bertan behera utzi zuten”, nabarmendu du Afineevskyk.
Zure interesekoa izan daiteke
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.
Global Sumud Euskal Herria: "Tirokatu gaituzte eta bueltatzeko agindu digute, baina aurrera jarraitzea erabaki dugu"
Israelgo soldaduak ontzira igo eta miaketa sakon bat egin dute Global Sumud Euskal Herriako aktibista batek zehaztu duenez. Soldaduen jarrera kritikatu dute eta gure artean Israelek dituen "konplizeak" ere aipatu dituzte.
Osakidetzak ebakuntza itunpeko zentroetan egiteko aukera eskainiko die 6 hilabete baino gehiago zain egondako 1.800 pazienteri
Alberto Martinezen hitzetan, Espainiako Osasun Ministerioa "Estatutu Markoa berritzeko moduan ez badago", Euskadi prest dago transferentziari ekiteko.