Konfinamendu perimetrala ezarri dute Estatuko autonomia erkidego ia guztietan
Espainiar estatuan, autonomia erkidego ia guztiek beren kanpo mugak itxi dituzte koronabirusaren hedatzea geldiarazteko. Azken orduetan, konfinamendu perimetrala ezarri dute, besteak beste, Galizian, Katalunian, Kantabrian eta Valentziako Erkidegoan. Madrilek, bestalde, mugikortasuna mugatu du Domu Santuko eta Almudenako zubietan.
Galiziako Xuntak zazpi hiri eta mugakide dituzten udalerrietako batzuk itxiko ditu ostiral arratsaldetik aurrera. Neurri horiek 15:00etan sartuko dira indarrean eta asteartean berrikusiko dituzte.
Valentziako Erkidegoa izan da itxiera perimetrala iragarri duen azkena. Ostiral eguerdian sartuko da indarrean eta zazpi egun iraungo du. Herritarrak beren bizilekutik atera ahal izango dira, beti ere, autonomia erkidegotik irten gabe.
Kataluniak konfinamendu orokorra agindu du 15 egunez, 06:00etatik aurrera, eta asteburuetan herriak ere itxiko ditu. Horrez gain, antzerkiak, zinemak, profesionalak ez diren kirol-jarduerak eta haur eta gazteen eskolaz kanpoko jarduerak debekatu ditu.
Kantabrian, itxiera iragan gauerditik azaroaren 9ra arte izango da, eta datorren asteko eskola umeen oporrak bertan behera geratuko dira.
Madrilgo Erkidegoak, ostera, hurrengo bi zubietarako agindu du itxialdia (Domu Santukoa eta Almudenakoa).
Andaluzian ere itxiera perimetrala ezarri dute, eta azaroaren 9ra arte itxiko ditu mugak. Halaber, herritarrek ezingo dute Sevilla, Jaen eta Granada probintzietatik atera.
Aurrez, Murtziak, Gaztela eta Leonek eta Gaztela-Mantxak hartu dute neurria.
Gaur gaurkoz hauek dira mugak itxi dituzten lurraldeak: Andaluzia, Kantabria, Katalunia, Valentziako Erkidegoa, Gaztela eta Leon, Gaztela-Mantxa, Galizia, Murtzia, Aragoi, EAE, Nafarroa, Errioxa eta Asturias.
Oraingoz kanpo mugak itxi ez dituzten lurraldeak hauek dira: Extremadura, Balear Uharteak eta Kanariak.
Zure interesekoa izan daiteke
Euskalduna Bilbaok musika areto onenaren aitortza jaso du du Eventex Awards 2026 sarietan
Sektoreko nazioarteko adituek osatutako epaimahaiak bereziki nabarmendu ditu "Jauregiaren gaitasun tekniko aparta, nortasun kultural sendoa, programazio jarraitua eta publikoarekin duen lotura”.
Arguedaseko agintariek eta auzokideek Saida El Yousifen hilketa gaitzetsi dute
Elkarretaratze jendetsua egin dute Udaletxeko plazan. Gainera, Udalak hiru dolu-egun ezarri ditu herrian.
Gizon batek bikotekide ohia hil du kalean, Figueresen (Girona)
Gizona astelehen honetan ere atxilotu zuten, emakumearenganako urruntze-agindua urratzeagatik.
Mangoren sortzailearen semea aske utzi dute milioi bateko fidantza ordaindu ostean
Enpresaburua 2024an hil zen, Montserrat inguruan, amildegitik behera erorita. Semea eta biak bakarrik zeuden ezbeharraren unean. Hasiera batean, istripua izan zela uste izan zen eta auzia artxibatu zen. Handik gutxira, baina, zantzu berriak agertu ziren, eta epaileak kasua berriz zabaltzea erabaki zuen. Haren semea dago orain ikerketapean, ustezko hiltzaile gisa.
Auzitegi Gorenak eutanasia eskaria errekurritzeko eskubidea aitortzen die eskatzailearekin lotura "estua" dutenei
Kataluniako Generalitatearen helegite bat atzera bota du Gorenak. Gizon batek semeari onartutako eutanasia errekurritzea ontzat eman zuen sententzia batek, eta haren aurka aurkeztu zuen helegitea Exekutibo kataluniarrak.
Maria Ubarretxena: "Azken erabakia FIFArena izango da"
Maria Ubarretxena Eusko Jaurlaritzaren bozeramaileak azaldu duenez, FIFAren erabakia 2027ko urtarrilean iritsiko da. Oraindik zazpi hilabete gelditzen diren honetan, lasaitasun mezua zabaldu du.
Ebola zer den ulertzeko gakoak
Birus bat da ebolaren eragilea, eta sei mota bereizi dira: Sudan, Zaire, Reston, Cote d'Ivoire (Boli Kosta), Bundibugyo eta Bombali. Txertoek eta onartutako tratamenduek Zaire aldaeraren aurka funtzionatzen dute. Afrikako erdialdea astintzen ari diren Sudan eta Bundibugyo anduiak tratatzeko, berriz, oraindik ez dago txertorik.
Amaitu dira N-1 errepidean, Tolosa parean, bi kamioi matxuratuk eragindako auto-ilarak
Usabalgo industrialde parean hasi eta Alegiaraino iritsi dira, une batez, auto-ilarak. Matxuratutako bi kamioiak elkarrengandik oso hurbil zeuden, eta, ondorioz, errei bat itxi egin behar izan dute.
Zergatik uko egiten diote zenbait hirik Munduko Txapelketaren egoitza izateari? Hauek dira FIFAren eskakizunak
Gijonek, Malagak eta Coruñak, besteak beste, atzera egin dute, antolakuntza- eta inbertsio-eskakizunak zorrotzegiak direla argudiatuta. FIFAk zerga-salbuespena eskatzen du, egoitza izatea errentagarria ez den arren, txosten batzuen arabera.
Gutxienez 3 kilometroko auto-ilarak A-15 errepidean, Andoainen, hainbat ibilgailuren arteko istripu bat izan delako
Errepidea itxita egon da denbora batez istripuaren ondorioz, eta zirkulazio-arazo handiak sortu dira Donostiarako noranzkoan.