Aske utzi dituzte Bilboko istiluetan atxilotutako sei pertsonak
Ostegun gauean Bilboko erdigunean izandako istiluetan atxilotutako sei pertsonak aske utzi dituzte. Horietako bat atzo geratu zen libre, adingabea delako, eta, gainerakoak, gaur utzi dituzte aske, epailearen aurrean eraman eta gero. Desordenak eta agintaritzaren aurkako atentatua egitea eta koronabirusaren aurkako neurriak urratzea egotzi diete.
Hain zuzen ere, etxeratze-aginduaren eta maskara erabiltzearen aurka izandako mobilizazio batean gertatutako istiluetan atxilotu zituzten seiak.
ETBk jakin izan duenez, atxilotuetako lauk aurrekariak dituzte, istiluengatik edota indarkeria matxistagatik.
Istilu horien ondorioz, beste hiru pertsona daude ikerketapean, desordena publikoak egotzita.
COVID-19aren pandemiari aurre egiteko Eusko Jaurlaritzak ezarritako neurri murriztaileen aurkako elkarretaratzea 21:30ean abiatu zen Indautxu plazan. Deialdia sare sozialen bidez egin dute, baina ez zegoen aurretik jakinarazita, Ertzaintzak Radio Euskadiri jakinarazi dionez.
Ertzaintza bertaratuzenean istiluak hasi ziren eta manifestariak inguruko kaleetan barrena abiatu ziren, bidean topatutako zabor-ontziei su emanez. 20 bat kontainer kiskali zituzten.
Hainbat manifestarik jarrera "erasokorra" erakutsi zutela esan du Segurtasun Sailak. Ertzaintzak sei pertsona atxilotu zituen.
Istiluak 23:30 inguruan amaitu ziren Bilbon erdigunean, baina Ertzaintzak ingurua zaintzen jarraitu zuen gau osoan.
Bart gaueko gertaerak ere "terrorismoa dira", Urkulluren ustez
Iñigo Urkullu lehendakariak salatu duenez, bart gaueko gertaerak ere "terrorismoa dira, herritarren osasunari eta ongizateari eraso egitea terrorismoa delako". Hori horrela, "erabat" gaitzetsi du jazotakoa.
Josu Erkoreka Jaurlaritzako Segurtasun sailburuak hedabideen aurrean gaur adierazi duenez, Ertzaintza Bilboko protestan parte hartu zutenen ''profila'' ikertzen ari da:
Bilboko istiluetan parte hartu dutenen "profila" ikertzen ari da Ertzaintza, horietako batzuek antzeko gertakariengatik "aurrekariak" dituztelako. Gainera, Josu Erkoreka Eusko Jaurlaritzako Segurtasun sailburuak azaldu duenez, mobilizazioko irudiak berehala zabaldu ziren sare sozialetan eta "ez hain justu ezker abertzaleari lotutako" profiletan.
Josu Erkorekak Eusko Legebiltzarrera iristean hedabideen aurrean egindako adierazpenetan esan duenez, istilu horiengatik atxilotutako sei lagunei desordena publikoa egotzi diete.
Gainera, ez omen dirudi pertsona horiek erakunde politiko batekin "lotura zuzena" dutenik. "Ez dirudi lotura hori dagoenik", gaineratu du sailburuak. Nolanahi ere, azpimarratu du protesta barrutik grabatutako bideo batzuk "berehala" agertu direla sare sozialetan, eta ez direla "hain zuzen ere" ezker abertzaleari lotutako profilak.
Dena dela, Ertzaintzak parte-hartzaileen profila eta mobilizazioaren "zentzua" aztertu behar dituela nabarmendu du.
30.000 euroko kalteak
Azkenik, Juan Mari Aburto Bilboko alkateak esan du atzo Indautxu plazan gertatutakoa "delinkuentzia hutsa" dela, "onartezina da", erantsi du. Manifestariek dozenaka edukiontzi erre zituzten eta kalteak eragin hainbat ibilgailutan. Aburtoren esanetan, 30.000 eurokoak dira kalteak.
Alkateak argitu duenez, "atxilotutako batzuk ez dira bilbotarrak, Bilbora etorri dira delituak egitera, eta euren profilari buruz esan dezakegu batzuk gaizkileak direla".
Era berean, azaldu du ikerketa "zabalik" dagoela, eta istiluen "irudi asko" dituztenez, litekeena dela "atxiloketa gehiago egitea".
sdff
Beste deialdi bat larunbat honetan
Negazionista talde honek beste protesta deialdi bat egin du larunbat honetarako Bilbon. Deialdi hori, atzokoa bezalaxe, sare sozialen bitartez zabaltzen ari dira, eta leku eta ordu berean egiteko asmoa dute, hau da, 23:30ean Indautxu Plazan, Europa Pressek Ertzaintzako iturrietan oinarrituta zabaldu duenez.
Gaueko aisialdiarekin lotutako jendea omen da talde antolatzailea, jarrera "oldarkorra" izan ohi duena.
Albiste gehiago gizartea
Edurne eta Zeledon Txikiren jaitsierak Andre Maria Zuriaren plaza bete du txikien egunean
Aiora Diaz, Los Alegrios kuadrillako 12 urteko neska, eta Eñaut Saenz de Viteri, Galtzagorri kuadrillako 10 urteko blusa, izan dira aurtengo Edurne eta Zeledon Txiki. Eguerdian, txupinazoarekin batera, Zeledon Txikiren eta Edurneren panpinak San Migel elizako dorretik jaitsi dira. Ondoren, Aiora eta Eñaut elizako balkoira itzuli dira eta, handik festaz gozatzeko deia egin diete Gasteizko haur guztiei.
Donostiako Boulevardeko puntu morea berriro irekiko dute Aste Nagusian, indarkeria sexista kasuak prebenitzeko eta artatzeko
Larunbat honetatik aurrera, prentsa kiosko zaharrean, profesionalek aurrez aurreko arreta zerbitzua emango dute. Era berean, Emakumeen Etxea eta Berdintasun Sailaren telefonoa ere erabilgarri egongo dira, beste baliabide batzuekin batera.
Osakidetzak haurrei I motako diabetesa goiz detektatzeko Estatuko lehen azterlana abiatu du
6.000 pertsonak baino gehiagok parte hartuko dute Euskadiko Osasun Zerbitzuak zuzendutako lanean. Sintoma klinikoak agertu aurretik gaixotasuna identifikatzea da helburua, eta, horrela, konplikazioak murriztu eta aurretiaz jarduteko aukera ematea.
PPk eta Voxek debekatu egin dute jendaurrean Islamarekin lotutako ekitaldiak egitea, Jumillan, Murtzian
Ezingo dute ospatu, adibidez, musulmanen artean ohikoa den Arkumearen Jaia. Voxek proposatu zuen mozioa, eta PPren babesarekin, aurrera atera da. Jumilla da, hortaz, xenofobia instituzioek bultzatzen duen lehen herria.
EAEk 2.355 biztanle irabazi ditu bigarren hiruhilekoan, atzerritarren etorrerari esker
Jatorriari dagokionez, Araban, Bizkaian eta Gipuzkoan bizi diren atzerritar gehienak Kolonbian (1.400), Marokon (830) eta Venezuelan (760) jaiotakoak dira.
Beste sute bat piztu da Artaxoa eta Añorbe artean, baina suhiltzaileek egonkortzea lortu dute
Sutea 18:13an hasi da, eta ez du zerikusirik asteartean piztu ziren biekin. Sutea garagar eta gari uzta jasota dagoen galtzu soro batean hasi da, baina basoa gertu du.
EHUk Bakearen aldeko Adierazpena sinatu du Hiroshiman, eta Bengoetxea errektoreak Gazako sarraskia salatu du
Joxerramon Bengoetxeak "memoria ariketaren garrantzia" azpimarratu du. "Unibertsitateok gure esku dagoena egitera behartuta gaude, errepika ez dadin eta gertatutakoa ahaztu ez dadin", erantsi du.
Beroa Eukal Herrian: osasun alerta gorria Nafarroan, eta abisu horia EAEn eta Iparraldean
Ostegunetik aurrera tenperatura altuak izango dira, eta Nafarroako Erriberan 40 gradura iritsiko dira. Aurreikuspenen arabera, balio horiek igandera arte mantenduko dira, gutxienez. Gainera, ostiralean tenperatura maximoak 35 gradutik gorakoak izan daitezke, ez bakarrik Arabako hegoaldean, baita Kantauri isurialdeko barnealdean ere.
Paketatzeko makina batek eragin zuen Izarbeibarko sutea
Sua kontrolpean dute jada suhiltzaileek. Bilakaera onari esker, Nafarroako Gobernuak malgutu egin du nekazaritzako lanak debekatzen zituen agindua.
Gidari batek mugikortasun-agente bat aurretik eraman du, 5 metro arrastaka eraman ere, aparkalekura sartu nahi zuelako, Donostian
Agentea hiriburuko geltokian dagoen aparkalekuko sarreran zegoen, autoei sartzea galarazten, beteta baitzegoen. Une horretan azeleratu eta parkingera sartzen saiatu zen, eta aurretik eraman du agentea. Atxilotu egin dute autoaren gidaria.