Lau atxilotu Bilbon eta istiluak Gasteizen, negazionisten protestetan
Lau pertsona atxilotu dituzte gauean, Bilboko erdialdean, talde negazionisten protestetan; izan ere, istiluak gertatu dira. Errepidean edukiontziak gurutzatu dituzte, eta ondoren su eman diete manifestariek.
Atxilotuetako batek edukiontziak irauli ditu Urkixo Zumarkalean, eta desordena publikoak leporatu dizkiote. Beste bi atxiloturi delitu bera egotzi diete, baina baita agintaritzaren aurkako atentatua ere, Ertzaintzako iturriek azaldu dutenez.
Talde negazionistek sare sozialen bidez elkarretaratzea deitu dute 21:30ean Indautxu plazan. Ertzaintzak dispositibo zabala jarri du martxan. Pertsona talde txikiak hurbildu eta, hasiera batean, berehala sakabanatu dira.
Hala ere, etxeratze-aginduaren eta gainerako neurrien aurka protesta egiten ari ziren gazteak Indautxu auzoan agertu dira. Errepidean edukiontziak gurutzatu dituzte, eta ondoren su eman diete bertan.
Ertzaintzak beste elkarretaratze bat desegin du Gasteizen
Era berean, COVID-19aren pandemiari aurre egiteko neurri murriztaileen aurka protesta egin dute arratsaldean, Gasteizen. Ertzaintzak legez kanpoko mobilizazioa desegin du eta, ondoren, istiluak izan dira.
Eusko Jaurlaritzako Segurtasun Sailak jakitera eman duenez, 300 bat negazionistek elkarretaratzea egin dute 17:15 aldera Andre Maria Zuriaren plazan. Protestak ez zuen baimenik.
Ertzainek zenbait gazte identifikatu dituzte, eta zonaldea sokaz hesi dute, manifestariak berriz plazan sartzea eragozteko.
Ondoren, desordena publikoak jazo dira Eusko Legebiltzarraren eta Ogasun Ordezkaritzaren inguruan.
Liskarretan, Hezkuntza Ordezkaritzako fatxadaren aurka pintura bota dute.
Era berean, Donostian, Arrasaten eta Eibarren (Gipuzkoa) zenbait edukiontziri su eman diete, Ertzaintzak jakitera ema duenez.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.