Lehen mailako arreta indartu eta 4.000 plaza berri eskainiko ditu Osasun Sailak
Gotzone Sagardui Osasun sailburuak Eusko Legebiltzarreko Osasun Batzordean azaldu duenez, legegintzaldi honetako osasun-politikek kalitatezkoa, unibertsala eta bikaintasunean oinarrituta dagoen euskal osasun-sistema publikoa sendotzen jarraitzea ekarriko dute.
Iñaki Berraondo Osasuneko sailburuordea, Nerea Uriene Administrazio eta Finantzaketa Sanitarioko sailburuordea eta Rosa Perez Osakidetzako zuzendari nagusia ondoan zituela, Sagarduik bere sailak legegintzaldi honetarako duen esparru estrategikoaren edukia azaldu du.
Osasun sailburuak esan duenez, Sailaren lehenengo erronka pandemiari aurre egiten jarraitzea da. Sagarduik berretsi du koronabirusaren bilakaera "oso kezkagarria" dela, eta Eusko Jaurlaritzak birusaren hedapena geldiarazteko bere esku dauden laguntza material eta pertsonal guztiak jarriko dituela gaineratu du.
Sailburuak atentzio berezia jarri du lehen mailako arretaren alorrean, legegintzaldi honetarako esparru estrategikoaren barruan leku berezia hartu baitu. Horrela, Sailak, alor horretan duen konpromisoa islatu du. Besteak beste, Osakidetzaren Asistentzia Sanitarioko Zuzendariordetza sortzearen alde egin du.
Gainera, langile kopurua handitu egingo dela azpimarratu du, medikuen eta erizainen lanpostu berriak eskainiz. Legegintzaldi honetan, halaber, administrazio-arloak indartuko dituzte, profil berrien aldeko apustua eginez, eta lehen mailako arretako botikarien figura bultzatuko da, ezarritako zerbitzu-zorroarekin.
Gauzak horrela, datozen lau urteetan Osakidetzan 4.000 lanpostu berri eskainiko direla nabarmendu nahi izan du.
Osasun Sailak legegintzaldi honetan egingo dituen beste ekintza batzuen artean, aipatzekoak dira, adibidez, Osasun Publikoaren Lege bat garatzea, 2028ra arteko Osasun Plan berri bat egitea, edota Osasunaren Behatokia abian jartzea.
Horrez gain, Euskadiko Epidemiologia Batzorde iraunkor bat sortu nahi dutela azpimarratu du Sagarduik, baita adinekoen hauskortasunari arreta emateko plan bat ere.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.