Elikagaien 'bilketa handia' azaroaren 20an eta 21ean egingo dute Araban
Elikagaien 'bilketa handia' azaroaren 20an eta 21ean egingo dute Araban, baina COVID-19 pandemiaren eta neurri murriztaileen eraginez, ezaugarri bereziak izango ditu aurten.
Supermerkatuen sarreran ekarpenak egitera animatzen zuten milaka boluntariok ez dute lekurik izango, "gutxi batzuk baino ez". Gainera, saltokietan testigantza hutsezko produktu bilketa egingo da. Horrela, zazpi dendatan egingo dute soilik.
Horregatik guztiagatik, bildutako elikagai kopuruan "beherakada handia" espero dute antolatzaileek. "Aurreko edizioetan bildutako ia 200.000 kiloak udara arte funtsezko jaki-gordailu dira, baina askoz gutxiago bilduko da", ohartarazi du Arabako Elikagaien Bankuak. Horrela, beharra duten pertsonak artatzen jarraitu ahal izateko, bankuari laguntzeko beste bide batzuk prestatu dituzte:
Janari-bonuen erosketa, bankuaren mesedetan
2020ko azaroaren 16tik 21era
Arabako supermerkatu guztietako dendetan eskura daitezke.
Saltoki guztietan lortutako bonuak ez zaizkio zuzenean bankuari eskudirutan itzuliko; beharrizanen arabera, urtean zehar produktu edo elikagaiak hornitzeko erabiliko dira.
Elikagaiak erosi eta entregatzeko kanpaina presentziala
2020ko azaroak 20/21
Ondorengo zazpi dendatan egin daiteke
EROSKI (El Boulevard merkataritza-gunea– Kexaako Gazteluaren kalea –Gasteiz Etorbidea –Legutianoko atea – Salburua)
CARREFOUR (Gorbeia merkataritza-gunea)
MACRO (Haitz kalea – Gamarra)
Ohi bezala, galkorrak ez diren produktuak biltzeko helburua dute, hala nola, olioa, kakao hautsa, kontserbak (barazki eta arraina), haurrentzako elikagaiak, pixoihalak eta funtsezko beste produktu batzuk.
Saltoki txikien babesa
Arabako Elikagai Bankuaren txartel/bonu propioak erostea
Urte osoan zehar
Elikagai Bankuarekin akordio batera heldu diren dendetan egin daiteke
Dirua ematea
Balizko defizita arintzeko dirua jasoko dute aurten, soilik elikagaiak erosteko, noski. Egiteko modua:
VISA txartelarekin ordaintzea https://bancoalimentosaraba.org/ webgunean
BIZUM (kodea 00025)
Banku transferentzia (Kutxa Bank – Laboral Kutxa)
Ekarpenek hobari fiskala izango dute 2020ko errenta aitorpenean. Horretarako, ziurtagiri bat igorriko dute. Dohaintza-emaileak datu pertsonalak eman beharko ditu.
Zure interesekoa izan daiteke
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
Dena prest da Senperen “Geroa eraikiz” lelopean egingo den Herri Urrats jairako
Urtero bezala, milaka euskaltzale bilduko dira igandean Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izango da nagusi goizetik arratsera, baina aldarrikapenak ere presentzia nabarmena izango du.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.