Espanyol taldeko bi jarraitzaileren aurkako kereila, Williamsi egindako irainengatik
Irain arrazistengatik RCD Espanyol futbol taldeko bi jarraitzaileren aurka Bartzelonako Fiskaltzak ezarritako kereila ikertzen ari da Cornella de Llobregateko (Bartzelona) epaitegi bat. Hain zuzen ere, urtarrilean jokatutako norgehiagokan Iñaki Williams Athleticeko aurrelariari egindako irainengatik ikertuko dituzte bi gizon horiek.
Bartzelonako Gorroto Delituen Fiskaltzak aurkeztutako gisa horretako estreinako kereila da aipatutakoa, alegia, orain arte ez dute inoiz futbol zelai bateko harmailetan entzundako irainengatik neurririk hartu. Hala, oinarrizko eskubideen eta askatasun publikoen aurkako delituak egotzi dizkie biei Fiskaltzak, eta Cornellako instrukzioko bigarren epaitegiak tramitera onartu du kereila.
Espainiako Futbol Ligak Bartzelonako Fiskaltzan jarritako salaketa baten ondotik abiatu zuten ikerketa. Salaketa horren bidez azaldu zuten Iñaki Williamsek irainak jaso zituela zelaian, beste jokalari batengatik aldatu zuten unean. "Zapaltzea eta haren duintasuna mintzea zuten helburu oihu arrazistek", ministerio publikoaren arabera.
Zehazki, kereilak dio "uh, uh, uh, uh" garrasiekin agurtu zutela jokalaria, hots, tximuen hotsak imitatzen aritu zirela harmailetatik. "Behin baino gehiagotan erabili izan dituzte horrelako oihuak, hainbat herrialdetan, arraza beltzeko jokalariak iraintzeko", Fiskaltzak dionez.
Behin ikerketa abian zela, Esquadra Mossoek oihu horien egileak identifikatu zituzten, segurtasun kamerei eta Espanyol taldeak bi jarraitzaileei buruz emandako datuei esker.
Hasiera batean, hiru jarraitzaile identifikatu zituzten; horietako bat, baina, adingabea zen.
Williams "oso pozik" azaldu da
Iñaki Williams "oso pozik" agertu da Bartzelonako Fiskaltzaren erabakiarekin, "bi jarraitzaile horiek auzitara eramateagatik". Horixe da sare sozialen bidez gaur bertan esan duena, "urrats oso garrantzitsua" eman dutela iritzita.
"Gure gizartean aldaketak behar ditugu, eta hau da horietako bat. Azaleko kolorea, arraza eta ideologia gorabehera, uste dut guztiok garela berdinak, eta horregatik elkar errespetatu behar dugu", erantsi du.
Halaber, eskerrak eman ditu gai honekin lotuta jaso dituen babes eta animo mezuengatik. "Eskerrak eman nahi dizkizuet mezu guztiengatik. Besarkada bero bat", bukatu du.
Zure interesekoa izan daiteke
Maialen Mazon hiltzeaz akusatutako gizona lagun bati: "Ederra hanka-sartzea"
Prozesu judizialak aurrera egin du akusatuak krimenaren ondorengo orduetan zer egin zuen zehaztuz: Valentziara ihes egin nahi izan zuela zehaztu dute.
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia geldiarazteko hartutako erabakia, eta berehalako azalpenak eskatu ditu kasuaren osasun-kudeaketako protokolo-aldaketari buruz.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.
Gabonetako Loteriako behar baino txartel gehiago saldu zituela aitortu du Arratiko Zekorrak errugbi taldeak
Gabonetako Loteriak 15 milioi euro utzi zituen Igorren, Arratiko Zekorrak errugbi taldeak saldutako 90.693 zenbakiari esker. Hala ere, oraindik bada saria kobratzerik izan ez duenik —guztira, 2,2 milioi euro—, klubak behar baino 225 partizipazio gehiago saldu zituelako. Klubak baieztatu du 80 kaltetu inguru direla.
Bi ibilgailuk istripua izan dute Erandion, eta auto-ilarak daude BI-30 errepidean, Txorierriko igarobidean,
Ezbeharra 12. kilometroaren parean gertatu da, eta zirkulazioa murriztu behar izan dute Galdakaorako noranzkoan.
Hantabirusa agertutako gurutzaontzia Kanarietan atrakatzeko baimena eman du Espainiako Gonbernuak, eta larri dagoen medikua han artatuko dute
147 lagun daude ontzian, eta hiru hildako daude. Cabo Verden dago, eta hiruzpalau egun barru artxipelagora iristea espero dute. Bertan, larri dagoen medikua artatuko dute.
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.