Txertoak % 95eko eraginkortasuna duela eta segurua dela esan du orain Pfizerrek
Saiakuntzaren hirugarren faseko azken azterketara helduta, Pfizerrek eta BioNTechek ondorioztatu dute COVID-19aren kontrako txertoak % 95eko eraginkortasuna duela, eta ez duela segurtasun arazo larririk sortu.
Koronabirusarekin kutsatutako 170 kasu atzeman ditu aipatutako konpainiak entseguetan parte hartu zuten boluntarioen artean. Infekzio horietatik 162, baina, plazeboa jaso zuten gaixoetan diagnostikatu dituzte. Gainerako zortzi boluntarioek txerto arrunta hartu zuten. Horrek esan nahi du % 95ekoa dela eraginkortasun maila, iragan astean % 90ekoa dela iragarri bazuten ere.
"Adina, arraza eta etnia gorabehera, eraginkortasun bera izan du txertoak kasu guztietan. 65 urtetik gorakoetan ere, % 94tik gorakoa izan da eraginkortasuna", zehaztu dute Pfizerrek eta BioNTechek gaur argitaratu eta CNNk zabaldu duen ohar batean.
Gainera, erantsi dute txertoaren segurtasunari buruzko nahikoa datu dituztela, eta Botiken AEBko Agentziaren baimenaren zain daudela.
Uztailaren 27an hasi zuten hirugarren faseko saiakuntza klinikoa, eta Pfizerrek orduan esan zuen 43.661 boluntariotik 41.135ek jaso zutela bigarren dosia edo plazeboa. Botiken AEBko Agentziak, bestalde, jakinarazi zuen txertoaren emaitzak ezagutzeko gutxienez bi hilabete itxaron behar zituztela.
Horregatik, adituen arabera, abendura arte ez da txertorik egongo. Halere, enpresek aurreikusi dute 2020an mundu mailan 50 milioi dosi ekoiztea, eta 2021ean 1.300 dosi.
Albiste gehiago gizartea
Muturreko beroa izango dugu gaur eta bihar
Abisu horia ezarri dute ostiralera arte; tenperaturak oso altuak izango dira, 27 eta 35 gradu artekoak.
Osakidetzan inbertsioa areagotzearen garrantzia azpimarratu du arartekoak, hiritarren kexen aurrean
Ines Ibañez de Maeztuk Osasun Itunaren ostean hartuko diren neurrien esperoan dagoela adierazi du, egoera hobetuko dutenaren itxaropenarekin. "Etxebizitza eskubidearen eraginkortasuna bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.
